తమిళనాడులోని కడలూరు, మైలాడుదురై, తిరువారూర్ జిల్లాల్లో భారీ నుంచి అతిభారీ వర్షాలు కురుస్తున్నాయి. వర్షాల కారణంగా నాగపట్నం జిల్లాలోని పలు ప్రాంతాలు నీట మునిగాయి. ఈ నేపథ్యంలో రేపు ఆయా జిల్లాల్లోని విద్యాసంస్థలకు అధికారులు సెలవులను ప్రకటించారు. రాష్ట్రవ్యాప్తంగా మరో 48 గంటల పాటు అతిభారీ వర్షాలు కురిసే అవకాశం ఉందని వాతావరణశాఖ హెచ్చరించింది. చెన్నైతో పాటు 12 తీర ప్రాంత జిల్లాలకు ఆరెంజ్ అలర్ట్ జారీ చేసింది.
