నేచురల్ స్టార్ నాని హీరోగా నటించిన ‘హాయ్ నాన్న’కు అంతర్జాతీయంగా ఆదరణ లభించిన విషయం తెలిసిందే. ఈ సినిమాకు అవార్డుల పరంపర కొనసాగుతోంది. తాజాగా ఎఫ్ఐఏసీలో ఆరు విభాగాల్లో అవార్డులు దక్కించుకుంది. శౌర్యువ్ దర్శకత్వంలో రూపొందిన ఈ మూవీలో మృణాల్ ఠాకూర్ కథానాయికగా నటించింది. కాగా, ఇటీవల న్యూయార్క్లో జరిగిన ‘ది ఒనిరోస్ ఫిల్మ్ అవార్డుల్లో’ హాయ్ నాన్న ఉత్తమ చిత్రంతో సహా మొత్తం 11 అవార్డులను సొంతం చేసుకుంది.
