Pathaan breaks KGF 2 Record. బాలీవుడ్ బాద్‌షా షారుఖ్ ఖాన్ నటించిన పఠాన్ మూవీ వసూళ్ల వర్షం కురిపిస్తోంది. జనవరి 25న థియేటర్లోకి వచ్చిన ఈ సినిమా.. హిందీలో కెజియఫ్ చాప్టర్ 2 రికార్డ్ బ్రేక్ చేసింది. కేజీఎఫ్2 హిందీ వెర్ష‌న్ 434 కోట్లతో బాహుబలి 2 తర్వాత ప్లేస్‌లో ఉంది. అయితే బాలీవుడ్‌లో పఠాన్ 446 కోట్ల కొల్లగొట్టింది. దాంతో హ‌య్యెస్ట్ నెట్‌ క‌లెక్ష‌న్స్ రాబ‌ట్టిన బాలీవుడ్ సినిమాల జాబితాలో.. సెకండ్ ప్లేస్‌లో నిలిచింది. పఠాన్ హవా ఇలాగే ఉంటే.. బాహుబలి2 రికార్డ్‌ను కూడా బ్రేక్ చేసేలానే ఉందని బీ టౌన్‌లో వినిపిస్తోంది. హిందీలో బాహుబలి 2.. 510 కోట్లతో ఫ‌స్ట్ ప్లేస్‌లో ఉంది. దాంతో మ‌రో రెండు, మూడు రోజుల్లో పఠాన్ బాహుబలిని రీచ్ అయ్యే అవకాశం ఉందంటున్నారు. కానీ అది అంతా ఈజీ కాదంటున్నారు. ఈ వారంలో హిందీలో కొన్ని కొత్త సినిమాలు థియేటర్లోకి రాబోతున్నాయి. అల వైకుంఠపురంలో రీమేక్‌గా తెరకెక్కిన షెహజాదా 17న రిలీజ్ అవుతోంది. ఇకపోతే.. మొత్తంగా ప‌దిహేను రోజుల్లో వ‌ర‌ల్డ్ వైడ్‌గా 900 కోట్ల‌కుపైగా క‌లెక్ష‌న్స్ రాబ‌ట్టి.. 1000 కోట్ల వైపు దూసుకు పోతోంది పఠాన్. ఇప్పటి వరకు దంగల్, బాహుబలి 2, RRR మరియు కేజీఎఫ్ 2 సినిమాలు మాత్రమే 1000 కోట్లకు పైగా వసూలు చేశాయి. ఇప్పుడు పఠాన్ కూడా వెయ్యి కోట్లు కొల్లకొడితే.. నాలుగో స్థానంలో నిలవనుందని చెప్పొచ్చు. ఇక సిధ్ధార్థ్ ఆనంద్ దర్శకత్వంలో తెరకెక్కిన ఈ సినిమాలో దీపిక పదుకునే, జాన్ అబ్రహం కీలక పాత్రల్లో నటించగా, బాలీవుడ్ కండల వీరుడు సల్మాన్ ఖాన్ గెస్ట్ రోల్‌లో కనిపించాడు. మొత్తంగా.. పఠాన్ మూవీ బాలీవుడ్‌కి కొత్త ఊపిరి పోసిందనే చెప్పాలి.
