Encephalartos woody is the only solitary plant in the world. AI help for cycad plant
Solitary plant: ప్రపంచంలోనే ఒంటరి మొక్కను గుర్తించారు శాస్త్రవేత్తలు. దీన్ని పరిశీలించి మరో మొక్కకోసం వెతుకుతున్నారు. ఎలాగైనా ఈ మొక్కలను వ్యాప్తి చేయాలని, పునరుత్పత్తి చేసి వీటి సంఖ్యను పెంచేందుకు శాస్త్రవేత్తలు ప్రయత్నిస్తున్నారు. మొక్కను పరిశీలించి ఇది మగ మొక్కని నిర్ధారించుకున్నారు. దీంతో ఆ మొక్కకు తోడు ఆడ మొక్కను అన్వేషిస్తున్నారు. దీనికోసం ఆర్టిఫిషియల్ ఇంటెలిజెన్స్ సాయం తీసుకుంటున్నారు. ఈ అరుదైన మొక్క పేరు ఎన్సెఫాలార్టోస్‌ వూడీ. ఇది సైకాడ్ జాతికి చెందినది. వీటి గురించి తెలుసుకున్న శాస్త్రవేత్తలు ఆశ్చర్యపోతున్నారు.
చదవండి:Hajj Pilgrimage: హజ్ యాత్రలో 1300 మంది చనిపోయినట్లు సౌదీ వెల్లడి!
సైకాడ్ జాతి చెట్లు డైనోసర్ల కంటే ముందు నుంచి భూమి మీద ఉన్నాయని వారు గుర్తించారు. సౌతాఫ్రికాలోని గోయె అటవీ ప్రాంతంలో ఈ మొక్కను సైంటిస్టులు గుర్తించారు. భూమి మీద ఇలాంటి మొక్కలు ఎక్కడా ఉన్నాయో అని ఏఐ సాయం తీసుకుంటున్నారు. అంతరించి పోయే ప్రమాదం ఉన్న ఈ మొక్కను సహజ పద్దతి ద్వారా వృద్దిచేసే ఆలోచనలో ఉన్నారు. దీనికోసం 10 వేల ఎకరాల గోయే అటవీ ప్రాంతాన్ని గాలిస్తున్నారు. మరో మొక్క కనిపిస్తే ఈ మొక్కలను బతించవచ్చని శాస్త్రవేత్తలు భావిస్తున్నారు.
చదవండి:Russia : రష్యాలో ప్రార్థనాలయాలపై ఉగ్రదాడి.. 15 మంది మృతి
