అతి వేగానికి నిండు ప్రాణం బలైంది. అతి వేగం ప్రమాదమని మొత్తుకుంటున్నా చాలా మంది అస్సలు వినడం లేదు. తాజాగా ఓ యూట్యూబర్(YouTuber) వీడియో కోసం అతి వేగంగా బైక్ నడిపి ప్రాణాలు పోగొట్టుకున్నాడు. అగస్టే చౌహాన్(Agaste Chouhaan) అనే వ్యక్తి ఉత్తరాఖండ్ లోని డెహ్రాడూన్ లో నివశిస్తున్నాడు. చౌహాన్ ప్రో రైడర్ 1000 అనే పేరుతో ఓ యూట్యూబ్ చానెల్ ను నడుపుతున్నాడు. తాజాగా సూపర్ బైక్ మీద యమునా ఎక్స్‌ప్రెస్ వేపై గంటకు 300 కిలోమీటర్లు వేగంగా దూసుకెళ్తానని తెలిపాడు.
చదవండి: Tamilnadu : నమ్మినందుకు నట్టేట ముంచింది.. కోడి కూర వడ్డించి కోట్లు కొట్టేసింది..
తన వద్ద ఉన్న కవాసకి నింజా ZX10R 1,000cc బైక్ ను నడుపుతూ వీడియోలు చేయడం చౌహాన్ హాబి. ఈ క్రమంలో అతను ఆగ్రా నుంచి ఢిల్లీకి బైక్ పై బయల్దేరాడు. ఈ నేపథ్యంలో బైక్ అదుపు తప్పి డివైడర్‌ను ఢీకొంది(Bike Accident). హెల్మెట్ పెట్టుకున్నా కూడా అతి వేగం వల్ల అది తునాతునకలైంది. దీంతో తలకు తీవ్ర గాయం అవ్వడంతో అగస్టే చౌహాన్(Agaste Chouhaan) మృతిచెందాడు.
చదవండి: Madhya Pradesh : మధ్యప్రదేశ్‌లో ప్రతీకార దాడి.. కాల్పుల్లో ఆరుగురు మృతి
అగస్టే చౌహాన్(Agaste Chouhaan) యూట్యూబ్ ఛానెల్(Youtube channel)కు దాదాపుగా 1.2 మిలియన్ల మంది సబ్‌స్క్రైబర్లు ఉన్నారు. తన ఛానెల్ లో చివరగా ఓ వీడియోను అప్లోడ్ చేశాడు. ఆ వీడియోలో తాను ఢిల్లీకి వెళ్తున్నానని, 300 కిలోమీటర్లు అంతకంటే ఎక్కువ వేగంగా బైక్ నడిపేందుకు ప్రయత్నిస్తానని తెలిపాడు. చివరికి ఆ అతివేగం వల్లే ప్రాణాలను పోగొట్టుకున్నాడు. ప్రస్తుతం అతని ఫీట్లకు సంబంధించిన వీడియోలు సోషల్ మీడియాలో వైరల్(Viral) అవుతున్నాయి.
