నవరాత్రి ఉత్సవాల వేళ ఓ యువతి దారుణానికి పాల్పడింది. గుడికి వెళ్లిన ఆ యువతి భక్తి తన్మయత్వంలో తన నాలుకను కత్తితో తెగనరికి అమ్మవారికి నైవేద్యంగా అర్పించింది. ఈ ఘటన మధ్యప్రదేశ్ లోని ఖర్గోన్‌లో చోటుచేసుకుంది. నవరాత్రి ఉత్సవాల సందర్భంగా బాగేశ్వరి శక్తిధామ్ ఆలయం వద్దకు అధిక సంఖ్యలో భక్తులు చేరుకున్నారు. ఆ సమయంలో ఈ దారుణం జరిగింది. ప్రస్తుతం దానికి సంబంధించిన వీడియో సోషల్ మీడియాలో వైరల్ అవుతోంది.
సోషల్ మీడియాలో వైరల్ అవుతోన్న యువతి వీడియో:
MP: खरगोन जिले में अंधविश्वास के चलते एक लड़की ने बाघेश्वरी शक्ति धाम के अमृत कुंड में तलवार से अपनी जीभ काटी. इस दौरान उसकी जीभ से खून भी निकल रहा था. उसे ये हरकत करते भीड़ ने देखा. लेकिन, किसी ने उसे रोका नहीं. लोगों को लगा उसमें माता का वास है. pic.twitter.com/mY6SZKRCFx
— Sushil Kaushik (@SushilKaushikMP) October 16, 2023
ఖర్గోన్ జిల్లాలోని సాగూర్ భాగూర్ ప్రాంతంలో మాతా బాగేశ్వరి శక్తిధామ్ అనే ఆలయం ఉంది. ఆ ఆలయం చాలా పురాతనమైనది. ఎంతో చారిత్రాత్మక దేవాలయం కావడంతో అక్కడికి రోజూ చాలా మందికి భక్తులు విచ్చేస్తూ ఉంటారు. నవరాత్రి సందర్భంగా అక్కడ పూజాది కార్యక్రమాలు పెద్ద ఎత్తున జరుగుతున్నాయి. ఈ నేపథ్యంలో నవరాత్రుల మొదటి రోజు అమృత్ కుండ్‌కు చెందిన ఓ యువతి తన నాలుకను కత్తితో కోసి దేవతకు సమర్పించడం కలకలం రేపింది.
చదవండి: Smallest Polling Booth: ఐదుగురి కోసం ప్రత్యేక పోలింగ్ బూత్..దేశంలోనే అతి చిన్నది అదే!
యువతి తన నాలుకను నరికే సమయంలో అక్కడున్నవారు ఎవ్వరూ అడ్డుపడలేదు. ఆ సమయంలో జనం అంతా బిగ్గరగా, ఉత్సాహంగా నినాదాలు చేశారు. అప్పటికే భక్తి తన్మయత్వంతో ఉన్న ఆ యువతి ఒక్కసారిగా కత్తితో తన నాలుకను తెగ నరికి దేవతకు సమర్పించింది. ఆ తర్వాత యువతి స్పృహతప్పి పడిపోయింది. అయినప్పటికీ భక్తులెవరూ ఆమెను రక్షించేందుకు ముందుకు రాలేదు. ఆలయ ప్రాంగణం మొత్తం అమ్మవారి స్తుతులతో హోరెత్తింది.
చదవండి: Udhayanidhi Stalin: ‘జై శ్రీరాం’ నినాదంపై ఉదయనిధి స్టాలిన్ షాకింగ్ కామెంట్స్..బీజేపీ ఫైర్
ఆ యువతిని దేవత పూనిందని అక్కడున్నవారంతా చెప్పుకోవడం విశేషం. యువతి తన నాలుకను కత్తితో తెగనరకడాన్ని అక్కడున్నవారంతా తమ మొబైల్స్‌లో వీడియోలు తీశారు. ఈ సంఘటన జరిగిన తర్వాత ఆలయం వద్దకు చేరుకునేందుకు నగరాల నుంచి జనం పోటెత్తారు. ప్రస్తుతం యువతి ఆస్పత్రిలో చికిత్స పొందుతోందని పోలీసులు తెలిపారు. యువతి తన నాలుకను తెగనరికే వీడియో ప్రస్తుతం నెట్టింట వైరల్ అవుతోంది.
