మెగా మేనల్లుడు సాయిధరమ్ తేజ్ రోడ్డు ప్రమాదం నుంచి కోలుకున్న తర్వాత.. రెట్టింపు ఉత్సాహంతో పని చేస్తున్నాడు. ఇప్పటికే ఓ సినిమా సెట్స్ పై ఉండగా.. రీసెంట్‌గా మరో కొత్త సినిమాను ప్రారంభించాడు. ప్రస్తుతం కార్తీక్ దండు దర్శకత్వంలో తేజ్ నటిస్తున్న15వ చిత్రం షూటింగ్ చివరి దశకు చేరుకుంది. దాంతో టైటిల్ టీజర్ రిలీజ్ చేసేందుకు సన్నాహాలు చేస్తున్నారు. డిసెంబర్ 7న, ఉదయం 11 గంటలకు విడుదల చేయనున్నారు. దీనికి యంగ్ టైగర్ ఎన్టీఆర్ వాయిస్ ఓవర్ అందించనున్నట్లు చిత్ర బృందం అధికారికంగా ప్రకటించింది. దీంతో ఈ గ్లింప్స్‌పై అంచనాలు ఒక్కసారిగా పెరిగిపోయాయి. సాయిధరమ్ తేజ్, జూనియర్ ఎన్టీఆర్ మధ్య మంచి స్నేహం ఉంది. అందుకే ఇప్పుడు తేజ్ సినిమాను ప్రమోట్ చేస్తున్నాడు. దాంతో మెగాభిమానులతో పాటు యంగ్ టైగర్ ఫ్యాన్స్ ఈ టీజర్ కోసం ఆసక్తిగా ఎదురు చూస్తున్నారు. అలాగే ఈ సినిమా టైటిల్ మరింత ఇంట్రెస్టింగ్‌గా మారింది. ముందు నుంచి మెగా హీరోల్లో తేజ్‌ను ఎంకరేజ్ చేయడంలో.. పవర్ స్టార్‌ పవన్ కళ్యాణ్‌దే పై చేయి. తేజ్ చాలా సినిమాల్లో పవన్ రెఫరెన్సులు కనిపిస్తుంటాయి. అందుకే ఇప్పుడు పవన్ కోసం అనుకున్న టైటిల్‌ను తన కొత్త సినిమాకు పెట్టినట్టు సమాచారం. ప్రస్తుతం క్రిష్ దర్శకత్వంలో పవన్ ‘హరిహర వీరమల్లు’ అనే చిత్రంలో నటిస్తున్నారు. ముందుగా ఈ చిత్రానికి ‘విరూపాక్ష’ అనే టైటిల్ వినిపించింది. కానీ ఫైనల్‌గా ‘హరిహర వీరమల్లు’ ఫిక్స్ చేశారు. దాంతో ‘విరూపాక్ష’ టైటిల్‌ను తేజ్ సినిమాకు పెట్టినట్టు టాక్. అయితే ఇంకొన్ని గంటల్లో ఈ టైటిల్ పై క్లారిటీ రానుంది. మొత్తంగా పవన్-ఎన్టీఆర్ సపోర్ట్‌తో తేజ్ సాలిడ్ కంబ్యాక్ ఇస్తున్నాడని చెప్పొచ్చు.
