Elephant Attack in Komaram Bheem : ఏనుగు చేసిన దాడిలో రెండు రోజుల వ్యవధిలోనే ఇద్దరు రైతులు మృతి చెందారు. ఈ ఘటనలు కొమురం భీం ఆసీఫాబాద్‌ జిల్లాలో చోటు చేసుకుంది. మహారాష్ట్ర సరిహద్దుల గుండా తెలంగాణలోకి ప్రవేశించిన ఆ ఏనుగు పంట పొలాల్లోకి చొరబడింది. బుధవారం శంకర్‌ అనే రైతుపై(FARMER) దాడి చేయడంతో అతడు అక్కడికక్కడే మృతి చెందాడు. గురువారం ఇలాంటి ఘటనే మళ్లీ పునరావృతం అయింది.
చదవండి : గత ఐదేళ్లలో 28 శాతం పెరిగిన రాహుల్‌ గాంధీ ఆస్తులు
గురువారం పెంచికల పేట మండలం కొంపల్లిలో తారు పోషన్న(50) అనే రైతుపై ఏనుగు(ELEPHANT)దాడి చేసింది. మిర్చి తోటలో పని చేస్తున్న ఆ రైతుపై ఉన్నట్లుండి ఏనుగు దాడి చేసింది. దీంతో అతడు అక్కడికక్కడే మృతి చెందాడు. దీంతో ఈ ఏనుగు గురించి స్థానికులు భయభ్రాంతులకు గురవుతున్నారు. సత్వరం దీన్ని బంధించాలని ప్రభుత్వ అధికారులకు విజ్ఞప్తి చేస్తున్నారు.
చదవండి : కింద కూర్చుని భోజనం చేస్తే కూడా వెయిట్‌ లాస్‌!
రాష్ట్రంలో ఏనుగుల దాడిలో రైతులు మృతి చెందిన ఘటనలు ఇవే ప్రధమం. ఇంతకు ముందు ఎప్పుడూ ఇలాంటి ఘటనలు చోటు చేసుకోలేదు. దీంతో అటవీ శాఖ మంత్రి కొండా సురేఖ ఈ విషయమై దిగ్భ్రాంతి వ్యక్తం చేశారు. శంకర్‌ కుటుంబానికి రూ.10లక్షలు నష్ట పరిహారం ఇస్తామని ప్రకటించారు. తాజాగా జరిగిన పోషన్న విషయంలోనూ ఎక్స్‌గ్రేషియా ఇవ్వాలని కుటుంబ సభ్యులు కోరుతున్నారు.
