Rahul Gandhi Suggest Revanth Reddy As A CM Candidate
Rahul Gandhi: తెలంగాణ కాంగ్రెస్ సీఎల్పీ అభ్యర్థి దాదాపు ఖరారయ్యింది. రేవంత్ రెడ్డి పేరును కాంగ్రెస్ అగ్రనేత రాహుల్ గాంధీ ప్రతిపాదించారని తెలిసింది. ఢిల్లీ వెళ్లిన డీకే శివకుమార్, మాణిక్ రావు ఠాక్రే.. ఈ రోజు ఏఐసీసీ చీఫ్ మల్లికార్జున ఖర్గే నివాసంలో భేటీ అయ్యారు. అక్కడికి ఏఐసీసీ ప్రధాన కార్యదర్శి కేసీ వేణుగోపాల్, తర్వాత రాహుల్ గాంధీ (Rahul Gandhi) కూడా వచ్చారు.
చదవండి: Bhatti Vikramarka: మల్లు భట్టి విక్రమార్క ట్వీట్ వైరల్!
తెలంగాణ సీఎం అభ్యర్థి గురించి అక్కడ చర్చ జరిగింది. రేవంత్ పేరును ఖరారు చేయాలని రాహుల్ (Rahul) సూచించారు. దీంతో అక్కడ ఉన్న నేతలు కూడా తల ఊపినట్టు తెలుస్తోంది. ఆ వెంటనే డీకే శివకుమార్, ఠాక్రే, కేసీ వేణుగోపాల్ హైదరాబాద్ బయల్దేరారు. ఈ రోజు సీఎల్పీ భేటీ నిర్వహించి.. అక్కడ సీల్డ్ కవర్‌లో ఉన్న సీఎం అభ్యర్థి పేరును డీకే శివకుమార్ ప్రకటిస్తారు.
పరిస్థితిని బట్టి దాదాపు రేవంత్ రెడ్డి పేరు ఖరారు కానుంది. సీఎం సీటు కోసం భట్టి విక్రమార్క చివరి క్షణం వరకు ట్రై చేశారు. ఉత్తమ్ పేరు కూడా వినిపించింది. కానీ రేవంత్ వైపు హైకమాండ్ మొగ్గు చూపించింది. మంత్రివర్గ కూర్పు, సీనియర్ నేతల పదవుల గురించి కూడా ఖర్గే నివాసంలో చర్చ జరిగినట్టు తెలుస్తోంది.
