వికారాబాద్ జిల్లా (Vikarabad Dist) లోని అత్తెల్లి గ్రామంలో దారుణం చోటుచేసుకుంది. కన్నతండ్రిని కసాయి కొడుకు చంపేశాడు. ఇంటి కరెంట్ బిల్లు విషయంలో తండ్రీకొడుకుల మధ్య జరిగిన వాగ్వాదం ఒక ప్రాణాన్ని బలిగొంది. జిల్లాలోని అత్తెల్లి గ్రామం(Attelli village)లో జరిగిన ఈ వివరాలను పరిశీలిస్తే, ఈ గ్రామానికి చెందిన తండ్రీకొడుకులు ఒకే ఇంట్లో ఉంటున్నారు. వారు నివాసం ఉంటున్న ఇంటి విద్యుత్ బిల్లు(Electricity bill) విషయంలో ఇద్దరి మధ్య గొడవ జరిగింది. బిల్లును నువ్వు కట్టు అంటే.. నువ్వు కట్టు.. అంటూ పరస్పరం గొడవకు దిగారు. ఈ గొడవ తారస్థాయికి చేరింది.
చదవండి : China govt : ఆ దేశంలో 25 ఏళ్ల లోపు పెళ్లి చేసుకునే యువతులకు రివార్డ్
దీంతో ఈ తండ్రీకొడుకుల మధ్య ఘర్షణ గ్రామ పెద్దల వరకు వెళ్లింది.గ్రామ పెద్దలు (Village elders) మాట్లాడుతుండగానే తండ్రి రామచంద్రయ్యపై కుమారుడు యాదయ్య రాడ్డుతో దాడి చేశాడు. దీంతో రామచంద్రయ్య అక్కడికక్కడే ప్రాణాలు కోల్పోయాడు. వెంటనే పంచాయతీ పెద్దలు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు.. యాదయ్యను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నట్లు వికారాబాద్ పోలీసులు వెల్లడించారు
చదవండి : Air Pollution: డేంజర్ లెవల్లో ఢిల్లీ కాలుష్యం..12 ఏళ్లు తగ్గనున్న ప్రజల ఆయుష్షు!
