BNR: యాదగిరి శ్రీవారి నిత్య ఖజానాకు శనివారం సమకూరిన ఆదాయ వివరాలు ఆలయ ఈవో భాస్కరరావు తెలిపారు. ప్రధాన బుకింగ్, వీఐపీ మరియు బ్రేక్ దర్శనాలు, ప్రసాద విక్రయాలు, కళ్యాణకట్ట, వ్రతాలు, యాదరుషి నిలయం, కార్ పార్కింగ్, అన్నదాన విరాళాలు, తదితర విభాగాల నుంచి మొత్తం కలిపి రూ. 47,20,436 ఆదాయం వచ్చిందన్నారు.
KNR: శంకరపట్నం మండల కేంద్రంలోని మోడల్ స్కూల్లో చదువుతున్న విద్యార్థులు అనిల్, ప్రవీణ్, అర్చన, సాయితేజలు జిల్లాస్థాయిలో సాఫ్ట్ బాల్ పోటీల్లో విజేతలుగా నిలిచారు. ఈనెల 27-29 తేదీలలో మెదక్ జిల్లాలో రాష్ట్రస్థాయి సీఎం పోటీలకు ఎంపికైనట్లు ప్రిన్సిపల్ సరిత తెలిపారు. సరిత మాట్లాడుతూ.. విద్యార్థులు రాష్ట్రస్థాయిలో గెలుపొంది మోడల్ స్కూల్ ప్రతిభను చాటాలన్నారు.
NLG: నూతన సంవత్సర వేడుకల పేరుతో ఇతరులకు అసౌకర్యం కలిగించే విధంగా ప్రవర్తిస్తూ, శాంతి భద్రతలకు విఘాతం కలిగించే వారిపై కఠిన చర్యలు తీసుకుంటామని కోదాడ డీఎస్పీ మామిళ్ళ శ్రీధర్ రెడ్డి ఒక ప్రకటనలో పేర్కొన్నారు. ముఖ్యంగా తల్లిదండ్రులు మైనర్లకు బైకులు, కార్లను ఇవ్వద్దన్నారు. న్యూ ఇయర్ సందర్భంగా డ్రంకెన్ డ్రైవింగ్, అతివేగం, బృందాలను ఏర్పాటు చేసినట్లు తెలిపారు.
ఖమ్మం: వృత్తి శిక్షణ కోసం జిల్లాలో అర్హులు జనవరి 6లోగా దరఖాస్తు చేసుకోవాలని జిల్లా మైనార్టీ సంక్షేమశాఖాధికారి సత్యనారాయణ తెలిపారు. రాష్ట్ర మైనార్టీస్ కార్పొరేషన్ ఆధ్వర్యంలో అందించే శిక్షణకు 18-35 ఏళ్ల వయసు కలిగి ఉండి, ఇంటర్ ఆపైన చదివినవారు అర్హులన్నారు. హార్డ్ వేర్ అండ్ నెట్ వర్కింగ్, ఫ్రంట్ ఆఫీస్ ఎగ్జికూటివ్ రంగాల్లో 3 నెలల శిక్షణ ఉంటుందన్నారు.
HYD: అవగాహనతో మాదకద్రవ్యాల దుర్వినియోగాన్ని పరిష్కరించాల్సిన అవసరం ఉందని TGANB డైరెక్టర్ సందీప్ శాండిల్య అన్నారు. శనివారం ‘డ్రగ్-ఫ్రీ వెల్ నెస్’ కార్యక్రమంలో భాగంగా తెలంగాణ యాంటీ నార్కోటిక్స్ బ్యూరో ఎడిస్టీస్ ఫౌండేషన్, క్రియేట్ ఎడ్యుటెక్లతో సహకార ఒప్పందాన్ని కుదుర్చుకుంది. ఈ మార్గదర్శకాలతో ఆన్ లైన్ ప్రోగ్రామ్ పూర్తి చేసిన వారికి సర్టిఫికెట్లు అందజేశారు.
NLG: ఇంటర్ ప్రాక్టికల్స్ పరీక్షలను నిఘా నీడలో నిర్వహించేందుకు విద్యాశాఖ ఏర్పాట్లు చేస్తోంది. ఇందుకోసం ప్రయోగశాలల్లో సీసీ కెమెరాలను యుద్ధ ప్రాతిపదికన ఏర్పాటు చేయాలని, దానికి కావాల్సిన ప్రతిపాదనలను వెంటనే బోర్డుకు పంపాలని ఈనెల 23న ఇంటర్ బోర్డు కార్యదర్శి ఆదేశాలు జారీచేశారు. ఉమ్మడి జిల్లాలో సుమారు 290 ప్రభుత్వ, ప్రైవేటు ఇంటర్ కళాశాలలో ఫిబ్రవరి మొదటివారం ప్రారంభంకానున్నాయి.
BDK: పాల్వంచ పోస్టల్ సిబ్బంది అంకితభావంతో ముందుకెళ్లాలని పాల్వంచ సబ్ డివిజనల్ పోస్టల్ ఎస్పీ వీరభద్ర స్వామి అన్నారు. మండల కేంద్రంలోని పోస్ట్ ఆఫీస్ కార్యాలయంలో శనివారం సాయంత్రం జరిగిన పోస్టల్ సిబ్బంది సమావేశంలో ఆయన మాట్లాడారు. మారుతున్న కాల పరిస్థితులకు అనుగుణంగా పోస్టల్ శాఖ ద్వారా అందిస్తున్న పథకాలను వారికి చేరువ చేయాలని కోరారు.
ఖమ్మం: సీఎం కప్ రాష్ట్రస్థాయి వాలీబాల్ పోటీలు ఆదివారం ముగియనున్నట్లు డీవైఎస్ఓ సునీల్ రెడ్డి తెలిపారు. ఖమ్మం సర్దార్ పటేల్ స్టేడియంలో మూడు రోజులుగా ఆడిన జట్లు టైటిల్ బరిలో నిలిచాయి. దివంగత మాజీ ప్రధాని మన్మోహన్ సింగ్ సంతాప దినాలను దృష్టిలో ఉంచుకొని ఎలాంటి హంగు, ఆర్భాటాలు లేకుండా పోటీలు కొనసాగిస్తున్నట్లు ఆయన తెలిపారు.
NRML: డంపింగ్ యార్డు నిర్వహణలో సక్రమంగా నిర్వహించాలని జిల్లా కలెక్టర్ అభిలాష అభినవ్ అధికారులను ఆదేశించారు. శనివారం స్థానిక సంస్థల ఆదనపు కలెక్టర్ ఫైజాన్ అహ్మద్‌తో కలిసి నిర్మల్ సమీపంలోని డంపింగ్ యార్డును తనిఖీ చేశారు. ప్రతి ఇంటి నుంచి తడి, పొడి చెత్తలను వేరుగా సేకరించి డంపింగ్ యార్డ్‌కు తరలించాలని సూచించారు.
SDPT: నంగునూరు మండలం రాంపూర్, మగ్దుంపూర్ గ్రామాల్లో విద్యుత్ సమస్యలతో ఇబ్బందులు పడుతున్నామని ఈ రోజు ఆయా గ్రామాల ప్రజలు సిద్దిపేట ఎమ్మెల్యే, మాజీ మంత్రి హరీష్ రావు దృష్టికి తీసుకువచ్చారు. ఆయన వెంటనే స్పందించి ఎస్ఈ దృష్టికి తీసుకు వెళ్లారు. సమస్య పరిష్కరించాలని ఆదేశించారు.
ఖమ్మం: వైద్యారోగ్యశాఖలో ఎంఎల్ హెచ్ పి-19, బీడీకే మెడికల్ ఆఫీసర్-3 పోస్టుల భర్తీకి దరఖాస్తులు ఆహ్వానిస్తున్నట్లు డీఎంహెచ్ డాక్టర్ కళావతిబాయి తెలిపారు. తాత్కాలిక, కాంట్రాక్టు, ఒప్పంద పద్ధతిలో నియమించే ఈ పోస్టులకు జనవరి 3లోగా దరఖాస్తులు సమర్పించాలని సూచించారు. ఎంబీబీఎస్, బీఏఎంఎస్, బీఎస్సీ నర్సింగ్, జీఎన్ఎం విద్యార్హత కలిగిన వారు అర్హులన్నారు.
NLG: MG యూనివర్సిటీ పరిధిలోని వార్షిక,సెమిస్టర్ విధానంలో డిగ్రీ అభ్యసించి ఉత్తీర్ణత సాధించని విద్యార్థుల కొరకు చివరి అవకాశం కల్పిస్తూ పరీక్షలను నిర్వహించనున్నట్లు సీఓఈ డా.ఉపేందర్ రెడ్డి ఒకప్రకటనలో తెలిపారు. 2011-2016 వరకు విద్యవార్షిక సంవత్సరాలలో డిగ్రీ ఉత్తీర్ణత సాధించని విద్యార్థుల కొరకు పరీక్ష ఫీజును12 ఫిబ్రవరి 2025 లోపు చెల్లించి పరీక్షకు హాజరు కావాలన్నారు.
SDPT: నియోజకవర్గంలో వచ్చే ఎండాకాలంలో విద్యుత్ సమస్యలు తలెత్తకుండా చూడాలని ఎమ్మెల్యే హరీష్ రావు అన్నారు. సిద్దిపేటలో ఎస్ఈ కార్యాలయంలో విద్యుత్ అధికారులతో సమీక్షా నిర్వహించారు. ఈ సందర్భంగా నియోజకవర్గంలో రైతులు ఇబ్బంది పడుతున్నారని దృష్టికి వచ్చిందన్నారు. సమస్య పరిష్కారం అయ్యేలా చర్యలు తీసుకోవాలని అధికారులను కోరారు.
NZB: జిల్లాకు ఆదివారం ఎమ్మెల్సీ కవిత రానున్నారు. ఈ మేరకు ఆమెకు ఘన స్వాగతం పలికేందుకు గులాబీ శ్రేణులు విస్తృత ఏర్పాట్లు చేస్తున్నారు. డిచ్‌పల్లి నుంచి గులాబీ శ్రేణులు ఆమెకు ఘన స్వాగతం పలకనున్నారు. అనంతరం నగరంలోని ఎస్ఎఫ్ఎస్ స్కూల్ వద్ద తల్లి తెలంగాణ విగ్రహం వద్దకు ఉదయం 11 గంటలకు చేరుకొని, విగ్రహానికి పూలమాలు వేసి నివాళులర్పించనున్నారు.
JGL: జిల్లాలో నూతన సంవత్సరం వేడుకల వేళ పటిష్ట బందోబస్తు ఏర్పాటు చేయాలని జిల్లా ఎస్పీ అశోక్ కుమార్ పోలీస్ అధికారులకు సూచించారు. శనివారం జిల్లా పోలీస్ ప్రధాన కార్యాలయంలో డీఎస్పీలు, సీఐలు, ఎస్సైలతో సమీక్ష నిర్వహించారు. డిసెంబర్ 31న ప్రత్యేకంగా డ్రంక్ & డ్రైవ్ తనిఖీలు చేపట్టాలన్నారు. వచ్చే ఏడాది జిల్లాలో కేసుల సంఖ్య తగ్గేలా ప్రణాళిక తయారు చేయాలన్నారు.
