BHNG: మోత్కూర్లో ఉగాది పండుగను విభిన్నంగా జరుపుకోవడం శతాబ్దాల నుంచి వస్తోన్న ఆచారం. ఉగాది వేళ గ్రామంలోని ముత్యాలమ్మకు బోనాలు సమర్పించి, కోళ్లు, మేకలను బలి ఇస్తారు. ఎడ్ల బండ్లలను తిప్పుతూ సంబరాలు చేస్తారు. పూర్వకాలంలో ఈ గ్రామంలో మశూచి తాండవించిందని, వ్యాధి నుంచి కాపాడిన అమ్మవారికి ఉగాది రోజు ఉత్సవాలు నిర్వహించడం ఆనవాయితీగా వస్తోందని గ్రామస్థులు తెలిపారు.
MNCL: దండేపల్లి మండలంలోని గూడెంగుట్ట దేవాలయం అర్చకులు జక్కాపురం జయ స్వామి ఉగాది పురస్కారాన్ని అందుకున్నారు. పరాభవ నామ సంవత్సరం సందర్భంగా గురువారం హైదరాబాదులోని రవీంద్ర భారతిలో అర్చకులు జక్కాపురం జయ స్వామికి దేవాదాయ అధికారులు ఉగాది పురస్కారం అందుకున్నారు. దీంతో ఆయనకు ఈవో సంకటాల శ్రీనివాస్, అర్చకులు, సిబ్బంది అభినందనలు తెలిపారు.
BDK: ఉగాది పండుగను పురస్కరించుకుని ఇల్లందు నియోజకవర్గ ఎమ్మెల్యే కోరం కనకయ్య దంపతులు పట్టణంలోని క్యాంపు కార్యాలయంలో నిర్వహించిన ప్రత్యేక పూజ కార్యక్రమంలో పాల్గొన్నారు. ముందుగా వారు ఉగాది పచ్చడిని కాంగ్రెస్ నాయకులకు పంచారు. ప్రతి ఒక్కరూ ఉగాది పండుగను సంతోషకరంగా జరుపుకోవాలని ఎమ్మెల్యే ఆకాంక్షించారు.
SRCK: వేములవాడ కోర్టులో ఉగాది పండుగను గురువారం ఘనంగా జరుపుకున్నారు. బార్ అసోసియేషన్ అధ్యక్షుడు గుడిసె సదానందం ఆధ్వర్యంలో ఉగాది పచ్చడి పంపిణీ చేశారు. జూనియర్ సివిల్ జడ్జి జ్యోతిర్మయి మాట్లాడుతూ.. ఉగాది పండుగ కొత్త ఆరంభాలకు ప్రతీక అని, ఈ పండుగ అందరికీ శుభం కలిగించాలన్నారు. ఏజీపీ భాను కృష్ణ, సీనియర్ న్యాయవాదులు గడ్డం సత్యనారాయణ రెడ్డి పాల్గొన్నారు.
ఖమ్మం రూరల్ మండలం పొన్నెకల్ గ్రామంలో అక్రమంగా నిల్వ ఉంచిన 22 క్వింటాళ్ల రేషన్ బియ్యాన్ని రెవెన్యూ అధికారులు స్వాధీనం చేసుకున్నారు. తహసీల్దార్ రాంప్రసాద్ నేతృత్వంలో పాశాల లింగయ్య ఇంట్లో జరిపిన తనిఖీల్లో ఈ బియ్యం బయటపడింది. ఈ మేరకు అధికారులు నిందితుడిపై కేసు నమోదు చేసి దర్యాప్తు చేపట్టారు.
ASF: ఆసిఫాబాద్ ఎమ్మెల్యే కోవ లక్ష్మి నివాసంలో గురువారం ఉగాది పండగను ఘనంగా జరుపుకున్నారు. శ్రీ పరాభవ నామ ఉగాది సందర్భంగా ఎమ్మెల్యే స్వయంగా తయారుచేసిన ఉగాది పచ్చడిని ప్రజా ప్రతినిధులకు, నాయకులకు పంపిణీ చేసి ఉగాది శుభాకాంక్షలు తెలియజేశారు. ఈ కార్యక్రమంలో మునిసిపల్ ఛైర్మన్ మెంగ్రే ఆకాష్, వైస్ ఛైర్మన్ ఎండీ అహ్మద్ పాల్గొన్నారు.
BHNG: ఉగాది పర్వదినాన్ని పురస్కరించుకుని నాయి బ్రాహ్మణ క్యాలెండర్ ఆవిష్కరణ కార్యక్రమం మోటకొండూరు మండల కేంద్రంలో గురువారం ఘనంగా జరిగింది. మండల కేంద్రంలోని అంబేద్కర్ విగ్రహం వద్ద జరిగిన ఈ కార్యక్రమంలో మోటకొండూరు సర్పంచ్ భూమండ్ల జయమ్మ, శ్రీనివాస్ దంపతులు ముఖ్య అతిథులుగా పాల్గొని క్యాలెండర్ను ఆవిష్కరించారు.
ADB: ఇంద్రవెల్లి మండలం ఆందునాయక్ తండాలోని శ్రీజ్వాలాముఖి దుర్గాభవాని అలయంలో ఈనెల 24న ఉగాది ఉత్సవాలు నిర్వహించనున్నట్లు పీఠాధిపతి రామ్ సింగ్ మహారాజ్ తెలిపారు. ఆయన మాట్లాడుతూ.. ప్రజల ఆయుష్షు, ఆరోగ్యం, సంక్షేమం కోసం నిర్వహించే మహా కార్యక్రమంలో ఉమ్మడి జిల్లాలతో పాటు వివిధ జిల్లాల నుంచి భక్తులు భారీ సంఖ్యలో పాల్గొననున్నట్లు తెలిపారు.
MBNR: జర్నలిస్టుల సంక్షేమానికి కట్టుబడి ఉన్నామని మహబూబ్ నగర్ ఎమ్మెల్యే యెన్నం శ్రీనివాస రెడ్డి అన్నారు. గురువారం జిల్లా కేంద్రంలోని ఎమ్మెల్యే క్యాంపు కార్యాలయంలో జర్నలిస్టుల సంక్షేమ నిధికి ఎమ్మెల్యే తన వేతనం నుంచి రూ. 100000 విరాళాన్ని అందజేశారు. ఈ సందర్భంగా ఎమ్మెల్యే మాట్లాడుతూ.. తన టర్మ్ పూర్తయ్యే వరకు ప్రతినెల ఒక లక్ష సంక్షేమ నిధికి ఇస్తానన్నారు.
KNR: తెలంగాణ మాజీ సీఎం కేసీఆర్ చేతుల మీదుగా 2018 మే 10న రైతుబంధు తొలి చెకును అందుకున్న రైతు మూగల సంజీవరెడ్డి(94) మరణించారు. హుజూరాబాద్ మండలం ధర్మరాజుపల్లి గ్రామానికి చెందిన ఆయన ధర్మరాజుపల్లి ధాన్య విత్తన సంఘం, రైతుసేవా పురుషుల పొదుపు సంఘం వ్యవస్థాపక అధ్యక్షులుగా, అదేవిధంగా గ్రామ తొలి సర్పంచ్గా పనిచేశారు. ఆయన మృతి పట్ల పలువురు సంతాపం తెలిపారు.
NLG: నిజాం ప్రభుత్వానికి వ్యతిరేకంగా ప్రజలను చైతన్యం చేయడంలో తెలంగాణ సాయుధ పోరాట యోధురాలు మల్లు స్వరాజ్యం కీలక పాత్ర పోషించారని సీపీఎం నేతలు ప్రశంసించారు. గడీలపై దాడులు చేసి ధాన్యాన్ని పేదలకు పంచడం వంటి ధైర్య సాహసాలను కొనియాడారు. చిట్యాలలో గురువారం ఆమె వర్ధంతి కార్యక్రమంలో నేతలు జోహార్లు అర్పించారు.
HYD: రంజాన్ మాసం సందర్భంగా ఉప్పల్ ఎమ్మెల్యే బండారి లక్ష్మారెడ్డి BLR చారిటబుల్ ట్రస్ట్ ద్వారా ముస్లిం పెద్దలు, ఇమామ్లు, మోజంలకు బట్టలు పంపిణీ చేశారు. పేదలకు, అర్హులైన కుటుంబాలకు సాయం చేయడం తమ బాధ్యతని ఆయన పేర్కొన్నారు. ఈ కార్యక్రమంలో మాజీ కార్పొరేటర్లు దేవేందర్ రెడ్డి, ప్రభుదాస్, మైనారిటీ నాయకులు బద్రుద్దీన్ తదితరులు పాల్గొన్నారు.
MHBD: భార్యపై ఓ భర్త గొడ్డలితో దాడి చేసిన ఘటన గురువారం కంబాలపల్లిలో వెలుగుచూసింది. గ్రామానికి చెందిన విజయ, నరేష్లు భార్యభర్తలు కాగా కుటుంబకలహాల నేపథ్యంలో నరేష్ విజయపై గొడ్డలితో దాడిచేశాడు. ఈ ఘటనలో విజయకు తీవ్రగాయాలు కాగా స్థానికులు 108లో ప్రభుత్వ ఆసుపత్రికి తరలించారు. ప్రస్తుతం విజయ పరిస్థితి విషమంగా ఉన్నట్లు సమాచారం.
NRPT: దామరగిద్ద మండలంలోని మల్ రెడ్డిపల్లి గ్రామంలో నెలకొన్న లో-వోల్టేజ్ సమస్యకు ఎట్టకేలకు పరిష్కారం లభించింది. గురువారం సర్పంచ్ శ్వేత ఆధ్వర్యంలో గ్రామస్థులు ఈ సమస్యను ఎమ్మెల్యే చిట్టెం పర్ణిక రెడ్డి దృష్టికి తీసుకెళ్లారు. ఆమె ఆదేశాలతో రంగంలోకి దిగిన విద్యుత్ శాఖ అధికారులు చర్యలు చేపట్టి సమస్యను పరిష్కరించారు.
JGL: ఇందిరమ్మ ఇళ్లకు ప్రభుత్వం ఉచితంగా విద్యుత్ మీటర్లు ఇవ్వాలని కోరుతూ రాయికల్ పట్టణ వార్డు సభ్యులు భూస గంగ మల్లయ్య, అనుమల్ల రమ రాయికల్ విద్యుత్ ఏఈ నవీన్కు వినతి పత్రం సమర్పించారు. ఇంటి నిర్మాణాలు పూర్తి కావస్తున్నందున, లబ్ధిదారులకు ఇబ్బంది కలగకుండా విద్యుత్ స్తంభాలు వేసి కనెక్షన్లు ఇవ్వాలని కోరారు.
