Telangana Elections 2023: తెలంగాణ అసెంబ్లీ ఎన్నికలు కీలక దశకు చేరుకున్నాయి. రేపు పోలింగ్ జరగనున్న నేపథ్యంలో ఎన్నికల అధికారులు ఏర్పాట్లలో నిమగ్నమయ్యారు. దీంతో హైదరాబాద్‌తో పాటు అన్ని జిల్లాల్లో పోలింగ్ సామగ్రి పంపిణీ ప్రారంభమైంది. రాష్ట్రవ్యాప్తంగా ఉన్న డీఆర్‌సీ కేంద్రాలకు ఇప్పటికే సిబ్బంది చేరుకున్నారు. వారికి ఈవీఎంలు, ఇతర సామగ్రిని అధికారులు అందజేస్తున్నారు. ఈ సాయంత్రానికి సిబ్బంది తమ తమ పోలింగ్ కేంద్రాలకు సామాగ్రితో చేరుకుంటారు.
చదవండి:Actress Pragathi: జాతీయ పవర్‌ లిఫ్టింగ్‌ పోటీల్లో కాంస్యం సాధించిన నటి ప్రగతి..వీడియో వైరల్
నవంబర్ 30న ఉదయం 7 గంటల నుంచి సాయంత్రం 5 గంటల వరకు పోలింగ్ జరగనుంది. ఇందుకోసం రాష్ట్రవ్యాప్తంగా 35,655 పోలింగ్ కేంద్రాలను ఈసీ ఏర్పాటు చేసింది. 27,094 పోలింగ్ కేంద్రాల్లో వెబ్‌కాస్టింగ్‌కు ఏర్పాట్లు కొనసాగుతున్నాయి. ఎన్నికల పరిశీలన కోసం 22,000 మంది మైక్రో అబ్జర్వర్లు, స్వాడ్‌లను ఎన్నికల సంఘం నియమించింది. దీంతో ఈ ఎన్నికల విధుల్లో దాదాపు 1.85 లక్షల మంది సిబ్బంది పాల్గొననున్నట్లు సమాచారం.
చదవండి:Rajasthan: ఐదు నెలల తర్వాత పాక్ నుంచి తిరిగి వచ్చిన అంజు
