ఉత్తర ప్రదేశ్ లో సబర్మతి ఎక్స్‌ప్రెస్ రైలు ప్రమాదానికి గురైంది. ఈ ఘటనలో 20 కోచులు పట్టాలు తప్పాయి. సబర్మతి ఎక్స్‌ప్రెస్ అహ్మదాబాద్ – వారణాసి మధ్య నడిచే సూపర్ ఫాస్ట్ ఎక్సప్రెస్. ఉత్తర్ ప్రదేశ్ వారణాసి కి ఉదయం 10 గంటలకు చేరుకోవాల్సి ఉంది. ప్రయాణికులు గాఢ నిద్రలో ఉండగా ఆగష్టు 17 అర్ధరాత్రి సుమారు 2:30 గంటలకు ప్రమాదం సంభవించింది. ఇంజిన్ ముందు ఉండే క్యాటిల్ గార్డ్ ధ్వంసమైంది.
Read Also: Kerala Floods: కేరళకు ఏపీ ప్రభుత్వం భారీ విరాళం
రైల్వే మంత్రి అశ్విని వైష్ణవ్ ఈ ఘటనపై తన సోషల్ మీడియా ద్వారా స్పందించారు. ప్రమాద స్థలంలో 16వ కోచ్ వద్ద ఒక వస్తువు కనుగొనబడిందని చెప్పారు. ఆ వస్తువు సంబంధించి సాక్ష్యాలను సురక్షితంగా ఉంచడం జరిగిందని చెప్పారు. ఈ అంశంపై మరింత విచారణ కొనసాగుతుందని చెప్పారు.
Read Also: Mr Bachchan, Double Ismart Public Talk: వామ్మో! ఈ టాక్ తో కష్టమే
ప్రమాదంలో ఎలాంటి మృతులు సంభవించలేదని, ప్రయాణికులకు ఎటువంటి గాయాలు కాలేదని తెలిపారు. ప్రత్యేక రైలు ఏర్పాటు చేసి ప్రయాణికులను వారి గమ్యస్థానానికి చేరువగా పంపించామని తెలిపారు. ప్రయాణికులు సురక్షితంగా చేరుకోవడానికి అన్ని చర్యలు తీసుకుంటామని చెప్పారు.
ఈ ఘటనకు సంబంధించి రైల్వే అధికారులు దర్యాప్తు కొనసాగిస్తున్నారు.
