TPT: తిరుపతి బస్టాండ్లో బుధవారం భారీగా ప్రయాణికుల రద్దీ కనిపించింది. ఇంటర్ మొదటి సంవత్సరం పరీక్షలు ముగియడం, ఉగాది, రంజాన్ పండగలకు వరుస సెలవులు రావడంతో విద్యార్థులు, ఇతర ప్రయాణికులు తమ స్వగ్రామాలకు వెళ్లేందుకు పెద్ద సంఖ్యలో చేరుకున్నారు. దీంతో బస్సుల్లో సీట్ల కోసం తీవ్ర పోటీ నెలకొంది.
డ్రగ్స్ కేసులో క్లీన్ చిట్ రావడంపై నటి హేమ హర్షం వ్యక్తం చేశారు. డ్రగ్స్ కేసులో అరెస్టయితే దోషులేనా?.. జైలుకెళ్లినంత మాత్రాన నేరం చేసినట్టేనా? అని ప్రశ్నించారు. తాను సెలబ్రిటీని కాబట్టే అప్పుడు తనపై దుష్ప్రచారం చేశారని మండిపడ్డారు. తనపై వచ్చిన ఆరోపణలను పదే పదే చూపించిన ఛానల్స్.. క్లీన్ చిట్ ఇచ్చిన విషయంపై మాత్రం సపోర్ట్ చేయట్టేదన్నారు.
GDWL: జిల్లా వ్యాప్తంగా గ్రామాలలో సమస్యలు ఉన్నప్పుడు అధికారులను సంప్రదించిన సమస్య పరిష్కారం దొరకనప్పుడు గతంలో నివేదన యాప్ ద్వారా సమస్యను జిల్లా ప్రజలు అధికారుల దృష్టికి తీసుకువచ్చారు. ప్రస్తుతం యాప్ నిలిచిపోయింది. అప్పట్లో దీనిలో సమస్య చేర్చిన వెంటనే మూడు రోజుల్లో సమస్య పరిష్కారం అయ్యేది. జిల్లా కలెక్టర్ దీనిని తిరిగి ప్రారంభించాలని ప్రజలు కోరారు.
KRNL:పెద్దకడబూరులో 10వ తరగతి పబ్లిక్ పరీక్షలు కట్టుదిట్టమైన భద్రతా నడుమ జరుగుతున్నాయి. ఇవాళ జరిగిన హిందీ పరీక్షకు KGBV పాఠశాలలో 135మందికి గానూ 133మంది హాజరు కాగా ఇద్దరు గైర్హాజరయ్యారు. AP మోడల్ స్కూల్లో 222 మందికి గాను 220మంది హాజరు కాగా ఇద్దరు గైర్హాజరయ్యారు. ZPపాఠశాల 254 మందికి గాను 249 మంది హాజరు కాగా ఐదుగురు గైర్హాజరైనట్లు ఎంఈవో ఉస్మాన్ తెలిపారు
KNR: నకిలీ వస్తువుల వినియోగదారులు అప్రమత్తంగా ఉండాలని, కొనుగోలు సమయంలో నాణ్యత పరిమాణం బట్టి పరిశీలించాలని జిల్లా వినియోగదారుల కమిషన్ ఛైర్పర్సన్ ఎస్. శ్రీలత అన్నారు. ప్రపంచ వినియోగదారుల హక్కుల దినోత్సవం కలెక్టరేట్ కాన్ఫరెన్స్ హాల్లో బుధవారం జరిగింది. ఈ కార్యక్రమానికి జిల్లా వినియోగదారుల కమిషన్ ఛైర్పర్సన్ ఎస్. శ్రీలత హాజరయ్యారు.
MBNR: భారతీయ జనతా పార్టీ తెలంగాణ రాష్ట్ర మీడియా ప్యానలిస్టుగా మహబూబ్నగర్ కార్పొరేషన్ పరిధిలోని ఎదర గ్రామానికి చెందిన తిరుపతి రెడ్డి నియమితులయ్యారు. ఈ సందర్భంగా BJP రాష్ట్ర కోశాధికారి బండారి శాంతి కుమార్ ఆయనను శాలువాతో ఘనంగా సత్కరించారు. ఈ సందర్భంగా తిరుపతి రెడ్డి మాట్లాడుతూ.. తనకు ఈ అవకాశం కల్పించిన రాష్ట్ర నాయకత్వానికి కృతజ్ఞతలు తెలిపారు.
అనంతపురంలో ‘దివ్యాంగ శక్తి’ పథకం ప్రారంభం సందర్భంగా MLA దగ్గుపాటి ప్రసాద్ దివ్యాంగులకు తన కార్యాలయంలో ఆత్మీయ విందు ఏర్పాటు చేశారు. ఆర్టీసీ బస్సుల్లో ఉచిత ప్రయాణ సౌకర్యం కల్పించే ఈ పథకాన్ని ఎమ్మెల్యేలు దగ్గుపాటి, బండారు శ్రావణి, కలెక్టర్ ఆనంద్ జెండా ఊపి ప్రారంభించారు. అనంతరం దివ్యాంగులతో కలిసి బస్సులో ప్రయాణించి వారి సాధకబాధకాలు తెలుసుకున్నారు.
E.G: నిడదవోలు మండలం మునిపల్లిలో పశుసంవర్థక రంగాన్ని ప్రోత్సహించే భాగంగా నిర్మించిన మినీ గోకులం యూనిట్ను కలెక్టర్ కీర్తి చేకూరి బుధవారం సందర్శించారు. నిర్మాణం పూర్తి చేసిన లబ్ధిదారుడు ఎం.వెంకటరావు వినియోగ విధానాన్ని తెలుసుకున్నారు. ప్రభుత్వం మార్గదర్శకాలను అనుసరించి మిగిలిన యూనిట్ల నిర్మాణాన్ని ఏప్రిల్ నెలాఖరు నాటికి పూర్తి చేయాలని ఆదేశించారు.
ASR: కొయ్యూరు మండలం కర్ణికపాలెం, చింతలపూడి, పిట్టలపాడు, రేవులకోట తదితర అన్ని రైతు సేవా కేంద్రాల పరిధిలో ఉన్న గ్రామాల్లో బుధవారం రైతన్న మీకోసం కార్యక్రమం నిర్వహించడం జరిగిందని ఏవో పీ.శివరామ్ ప్రసాద్ తెలిపారు. రాబోయే ఖరీఫ్ సీజన్లో విత్తనాల ఎంపిక, సాగునీటి వాడకం, నీటి భద్రత అంశాలపై అవగాహన కల్పించారు. పీఎం కిసాన్, అన్నదాత సుఖీభవ పథకాల గురించి వివరించారు.
సత్యసాయి: జిల్లా ప్రజలకు ఎస్పీ సతీష్ కుమార్ ఉగాది, రంజాన్ పండుగల శుభాకాంక్షలు తెలిపారు. ఈ పర్వదినాలు సంతోషం, శాంతి, సౌభ్రాతృత్వానికి ప్రతీకలని పేర్కొన్నారు. ప్రజలు సంప్రదాయాలను పాటిస్తూ పండుగలను జరుపుకోవాలని సూచించారు. జిల్లాలో వేడుకలు ప్రశాంతంగా జరిగేలా పోలీస్ శాఖ అన్ని చర్యలు తీసుకుంటుందని విజ్ఞప్తి చేశారు.
TG: రంగారెడ్డి జిల్లా అబ్దుల్లాపూర్మెట్ మండలంలో విషాదం జరిగింది. బాటసింగారంలో అక్కను తమ్ముడు చంపి చెరువులో పడేశాడు. తర్వాత వాళ్ల అక్క కనిపించట్లేదని పోలీసులకు ఫిర్యాదు చేశారు. అయితే వాళ్ల అక్క భర్త కొన్ని రోజుల క్రితమే చనిపోయాడు. అప్పటి నుంచి అక్క చెడు తిరుగుళ్లకు అలవాటు పడిందని చంపినట్లు పోలీసులు తేల్చారు.
ప్రకాశం: కొండపిమండలంలో జాల్లపాలెం తిరునాళ్లకు పోలీస్ భద్రత ఏర్పాట్లను గురువారం కందుకూరు డీఎస్పీ పరిశీలించారు. సీఐ సోమశేఖర్ వివరాలు అడిగి తెలుసుకున్నారు. ప్రధానంగా పార్కింగ్ స్థలాలు, భక్తుల రాకపోకలకు సంబంధించిన కీలక మార్గాలను తిరిగి పరిశీలించారు. ఎలాంటి అవాంఛనీయ సంఘటనలు చోటు చేసుకోకుండా తగు జాగ్రత్తలు తీసుకోవాలని సీఐ ఎస్సైలకు సూచించారు.
MHBD: BJP రాష్ట్ర శాఖ పిలుపు మేరకు రాష్ట్ర అధ్యక్షుడు N. రామచంద్ రావు, జిల్లా అధ్యక్షుడు వల్లబు వెంకటేశ్వర్లు ఆదేశాల మేరకు మరిపెడ MRO కార్యాలయంలో MROకు BJP మండల అధ్యక్షుడు గంగాధర్ వినతిపత్రం అందజేశారు. కాంగ్రెస్ ప్రభుత్వం ఎన్నికల్లో ఇచ్చిన హామీలను నెరవేర్చాలని డిమాండ్ చేశారు. లేకపోతే BJP పార్టీ ఆధ్వర్యంలో ఆందోళనలు చేపడుతామని హెచ్చరించారు.
BPT: చీరాల TDP క్యాంప్ కార్యాలయం నందు సీఎం సహాయనిధి (CMRF) నుంచి 105 మంది లబ్ధిదారులకు రూ. 64,38,468 విలువైన చెక్కులను బుధవారం పంపిణీ చేశారు. ఈ కార్యక్రమంలో ఎమ్మెల్యే కొండయ్య పాల్గొని బాధితులకు చెక్కులను అందించారు. ఎమ్మెల్యే మాట్లాడుతూ.. ఇప్పటివరకు నియోజకవర్గంలో 921 మందికి రూ. 8.35 కోట్ల సహాయం అందించామని తెలిపారు.
MLG: న్యూ-ఢిల్లీలోని ఇందిరా భవన్లో కాంగ్రెస్ అగ్రనేత రాహుల్ గాంధీ, ఆదివాసి కాంగ్రెస్ జాతీయ అధ్యక్షులు విక్రాంత్ భూరియా అధ్వర్యంలో జరిగిన ఏఐసీసీ ట్రైబల్ అడ్వైజరీ కౌన్సిల్ సమావేశంలో మంత్రి సీతక్క పాల్గొన్నారు. ఆదివాసీల హక్కులు, అభివృద్ధి, స్వాభిమానాన్ని కాపాడటం కోసం కాంగ్రెస్ పోరాటం చేస్తుందని మంత్రి సీతక్క అన్నారు.
