మణిపూర్లో మరోసారి హింసాత్మక ఘటనలు చోటుచేసుకున్నాయి. దీంతో నిన్నటి నుంచి పలువురు మహిళలు, చిన్నారుల జాడ తెలియడం లేదు. దీనిపై పోలీస్ ఉన్నతాధికారులు స్పందించారు. కనిపించకుండా పోయిన ముగ్గురు మహిళలు, ముగ్గురు చిన్నారుల కోసం బలగాలు సెర్చ్ ఆపరేషన్ నిర్వహిస్తున్నాయని వెల్లడించారు. కాగా.. మణిపూర్లో నిన్న భద్రతా బలగాలతో జరిగిన భారీ ఎదురుకాల్పుల్లో 10 మంది కుకీ మిలిటెంట్లు హతమైన విషయం తెలిసిందే.
