Afghanistan : తూర్పు ఆఫ్ఘనిస్తాన్‌లో భారీ వర్షంతో కూడిన తుఫాను కారణంగా సోమవారం కనీసం 35 మంది మరణించారు. నంగర్‌హార్ ప్రావిన్స్‌లో అనేక మంది గాయపడ్డారని సమాచార, సాంస్కృతిక శాఖ ప్రావిన్షియల్ డైరెక్టర్ సెడిఖుల్లా ఖురేషి తెలిపారు. మృతుల్లో సుర్ఖ్ రాడ్ జిల్లాలో తమ ఇంటి పైకప్పు కూలిపోవడంతో ఒకే కుటుంబానికి చెందిన ఐదుగురు మరణించారని ఖురేషీ తెలిపారు. మరో నలుగురు కుటుంబ సభ్యులు గాయపడ్డారు. మృతులు, గాయపడిన వారిలో మహిళలు, చిన్నారులు కూడా ఉన్నారని తెలిపారు. ఇది కాకుండా, ప్రావిన్స్‌లోని వివిధ ప్రాంతాల్లో వాతావరణం అనేక ఆస్తులు, పంటలను నాశనం చేసింది. అంతకుముందు, మే 10, మే 11 తేదీలలో ఆఫ్ఘనిస్తాన్‌లో భారీ వర్షాలకు 300 మందికి పైగా మరణించారు. వేలాది గృహాలను తుఫాను ధ్వంసం చేసింది. వీటిలో ఎక్కువ భాగం ఉత్తర ప్రావిన్స్ బాగ్లాన్‌లో ఉన్నాయి.
చదవండి:Chandipura Virus : ‘చండీపురా వైరస్’ విధ్వంసం.. ఆరుగురు చిన్నారులు మృతి, 12మందికి పాజిటివ్
అంతకుముందు మార్చిలో, ఆఫ్ఘనిస్తాన్‌లోని వివిధ ప్రావిన్సులలో భారీ వర్షాలు, హిమపాతం విధ్వంసం సృష్టించింది. భారీ వర్షం, మంచు కారణంగా కనీసం 39 మంది ప్రాణాలు కోల్పోయారు. 30 మందికి పైగా గాయపడ్డారు. ఆఫ్ఘనిస్తాన్ భారీ వర్షాలు, హిమపాతంతో పోరాడుతోంది. భారీ వర్షాలు, మంచు కురుస్తుండటంతో జనజీవనం అతలాకుతలమైంది. దీని వల్ల వారు చాలా నష్టపోయారు. జంతువులు కూడా చనిపోయాయి. ప్రభుత్వ సాయం తక్షణావసరమని ప్రజలు నొక్కి చెప్పారు. బాధిత ప్రజలకు వీలైనంత త్వరగా సాయం అందించాలన్నారు. హిమపాతం, వర్షం కారణంగా సలాంగ్ హైవే మూతపడింది.
చదవండి:Road Accident : ఘోర రోడ్డు ప్రమాదంలో ఒకే కుటుంబానికి చెందిన ఆరుగురు మృతి
