Odisha : ఇటీవల ఒడిశాలో జరిగిన లోక్‌సభ, అసెంబ్లీ ఎన్నికల్లో జగన్నాథ్ పూరీ ఆలయ రత్నాల ఖజానాపై అనేక ఆరోపణలు, ప్రత్యారోపణలు వచ్చాయి. అయితే త్వరలో రత్నాల ఖజానాను తెరిచే అవకాశం ఉందని తెలుస్తోంది. జగన్నాథ ఆలయ రత్నాల ఖజానాను తిరిగి తెరిచే ప్రక్రియను పర్యవేక్షించేందుకు ఒడిశాలోని భారతీయ జనతా పార్టీ ప్రభుత్వం కొత్తగా ఉన్నత స్థాయి కమిటీని ఏర్పాటు చేసింది.
కొత్త కమిటీ ఎందుకు వేశారు?
జగన్నాథ ఆలయంలోని రత్నాల ఖజానాలో ఉంచిన విలువైన వస్తువుల జాబితాను సిద్ధం చేయడానికి ఒడిశాలోని మోహన్ మాఝీ ప్రభుత్వం కొత్త కమిటీని ఏర్పాటు చేసింది. గురువారం రాష్ట్ర న్యాయశాఖ మంత్రి పృథ్వీరాజ్ హరిచందన్ మాట్లాడుతూ ఒడిశా హైకోర్టు ఆదేశాల మేరకు ఈ కమిటీని ఏర్పాటు చేసినట్లు తెలిపారు.
చదవండి:Raj Tarun: పెళ్లి చేసుకుంటా అని మోసం చేశాడు.. హీరో రాజ్ తరుణ్‌పై లావణ్య ఆరోపణలు
పాత కమిటీ రద్దు
ఈ ఏడాది మార్చి నెల ప్రారంభంలో ఒడిశాలోని మునుపటి బిజెడి ప్రభుత్వం నవీన్ పట్నాయక్ ఖజానాలో ఉంచిన నగలు, ఇతర విలువైన వస్తువుల జాబితాను పర్యవేక్షించడానికి రిటైర్డ్ సుప్రీంకోర్టు న్యాయమూర్తి అరిజిత్ పసాయత్ అధ్యక్షతన 12 మంది సభ్యుల కమిటీని ఏర్పాటు చేసింది. అయితే కొత్త ప్రభుత్వం ఈ కమిటీని రద్దు చేసి కొత్త కమిటీని ఏర్పాటు చేసింది.
ప్రశ్నలు సంధించిన ప్రధాని మోడీ
ఒడిశా ఎన్నికల ర్యాలీలలో, జగన్నాథ పూరీ ఆలయ రత్నాల ఖజానా తాళాలు కనిపించకుండా పోయాయని ప్రధాని నరేంద్ర మోడీ కూడా గట్టిగా లేవనెత్తారు. ఈ కేసులో నవీన్ పట్నాయక్ ప్రభుత్వం జ్యుడిషియల్ నివేదికను అటకెక్కించిందని ప్రధాని మోడీ ఆరోపించారు. ఒడిశాలో బీజేపీ ప్రభుత్వం ఏర్పాటైన తర్వాత జ్యుడీషియల్‌ నివేదికను బహిర్గతం చేస్తామని ప్రధాని మోడీ చెప్పారు.
చదవండి:NEET PG 2024: నీట్ పీజీ పరీక్ష కొత్త షెడ్యూల్ విడుదల.. రెండు షిఫ్టుల్లో పరీక్ష!
