Interesting post by PM Modi with Sri Ram Navami wishes
PM Modi: దేశ ప్రజలకు ప్రధాని నరేంద్ర మోడీ శ్రీరామ నవమి శుభాకాంక్షలు చెప్పారు. ఆయన కృప వలనే అయోధ్యలో రామ్‌లల్లా ప్రాణప్రతిష్ట జరిగిందని వెల్లడించారు. ఈ సందర్భంగా ఆయన ఎక్స్ ఖాతా ద్వారా స్పందించారు. ‘‘దేశవ్యాప్తంగా ఉన్న నా కుటుంబ సభ్యులందరికీ శ్రీరామ నవమి శుభాకాంక్షలు. ఈ రోజు నా హృదయం భావోద్వేగం, కృతజ్ఞతతో ఉప్పొంగిపోతుంది. ఆయన కృప వల్లే ఈ ఏడాది లక్షలాది మందితో కలిసి అయోధ్యలో ప్రాణప్రతిష్ఠను నేనూ వీక్షించాను. ఆ క్షణాలు నాలో శక్తిని నింపుతున్నాయి. అయోధ్యలో రామ్‌లల్లా కొలువుదీరిన తర్వాత జరుగుతున్న మొదటి రామనవమి కావడంతో ఎంతో సంతోషంగా ఉంది. ఐదు శతాబ్దాల నిరీక్షణ, దేశ ప్రజల కఠిన తపస్సు, త్యాగాల ఫలితమే ఈ రోజు ఈ వేడుక’’ అని మోదీ ఎక్స్‌లో పోస్ట్ చేశారు.
చదవండి:AAP Star Campaigner List : ఆప్ స్టార్ క్యాంపెయినర్ల జాబితా రిలీజ్.. లిస్టులో కేజ్రీవాల్ పేరు
‘‘శ్రీరాముడు భారతీయుల హృదయాల్లో ఉన్నాడు. ఆలయం నిర్మించుటకు వేలాది మంది రామ భక్తులు, సాధువులు, మహాత్ములు తమ ప్రాణాలను త్యాగం చేశారు. ఈ సందర్భంగా వారందరిని స్మరించుకోవాలి. మర్యాద పురుషోత్తముడి జీవితం, ఆశయాలు మన దేశానికి బలమైన ఆధారం అవుతాయని నా పూర్తి నమ్మకం. ఆ జానకి రాముడి ఆశీస్సులు స్వయంసమృద్ధ భారత్‌ సంకల్పానికి కొత్త శక్తిని ఇస్తుందని విశ్వసిస్తున్నాను. శ్రీరాముని పాదాలకు ప్రణామాలు’’ అని మోదీ ఎక్స్ వేదికగా పోస్ట్ చేశారు.
అంధరికి శ్రీరామ నవమి శుభాకాంక్షలు ❤️🚩#RamaNavami pic.twitter.com/nd4hots4bq
— Chay 🚩 (@UddJaaPerindeyy) April 17, 2024
