Fact Check : తూచ్.. అదంతా ఫేక్.. వాటిని నమ్మకండి.. ఎలక్షన్ కమిషన్

Fact Check : ఎన్నికల సంఘంలో ఖాళీగా ఉన్న రెండు కమిషనర్ పోస్టుల భర్తీకి సంబంధించిన గెజిట్ నోటిఫికేషన్ నకిలీదని తేలింది. ఈ మేరకు పీఐబీ బుధవారం వివరణ ఇచ్చింది. బుధవారం ఉదయం నుండి సోషల్ మీడియాలో వైరల్ అవుతున్న నకిలీ నోటిఫికేషన్‌లో, కొత్త ఎన్నికల కమిషనర్‌లుగా రాజేష్ కుమార్ గుప్తా, ప్రియాంష్ శర్మలను నియమించినట్లు సమాచారం ఉంది. దీనిపై పీఐబీ బుధవారం సాయంత్రం స్పష్టత వచ్చింది. అలాంటి గెజిట్ నోటిఫికేషన్ ఏదీ విడుదల చేయలేదని పీఐబీ(Fact Check) తెలిపింది.

ఎన్నికల కమిషనర్ అరుణ్ గోయల్ రాజీనామా చేయడం, లోక్ సభ ఎన్నికలకు ముందు అనుప్ చంద్ర పాండే పదవీ విరమణ చేయడంతో ఖాళీగా ఉన్న పోస్టుల భర్తీ ప్రక్రియ ఇంకా పూర్తి కాలేదు. ఈ రెండు పోస్టులకు నామినేట్ అయిన అధికారులపై ఊహాగానాలు జోరందుకున్నాయి.ఈ పోస్టులను భర్తీ చేసిన తర్వాత చీఫ్ ఎలక్షన్ కమిషనర్ రాజీవ్ కుమార్ నేతృత్వంలోని ఎన్నికల సంఘం బృందాన్ని బలోపేతం చేయనున్నారు. ఎంపిక ప్రక్రియపై పలువురు ప్రతిపక్ష నేతలు ప్రశ్నలు సంధిస్తున్నారు. కమిటీ సమావేశానికి ముందు, కాంగ్రెస్ ఎంపీ అధిర్ రంజన్ చౌదరి ఎన్నికల కమిషనర్ పదవికి నామినేట్ చేయబడిన అధికారుల గురించి పూర్తి సమాచారాన్ని న్యాయ మంత్రిత్వ శాఖ నుండి కోరారు.

చదవండి:BJP Candidates 2nd List : 72 మంది అభ్యర్థులతో బీజేపీ రెండో జాబితా విడుదల

A notification regarding the appointment of two Election Commissioners to the Election Commission of India is circulating on social media #PIBFactCheck

✔️This notification is #fake

✔️No such Gazette notification has been issued. pic.twitter.com/VUCgl4l8wS

— PIB Fact Check (@PIBFactCheck) March 13, 2024

కొత్త కమిషనర్ నియామకం కోసం సెర్చ్ కమిటీ, సెలక్షన్ కమిటీని ఏర్పాటు చేశారు. ప్రధానమంత్రి నరేంద్రమోడీ నేతృత్వంలో ఎంపిక కమిటీని ఏర్పాటు చేశారు. ఎన్నికల కమిషనర్ అనుప్ చంద్ర పాండే ఇటీవల పదవీ విరమణ చేశారని, మరో కమిషనర్ అరుణ్ గోయల్ గత శుక్రవారం అకస్మాత్తుగా తన పదవికి రాజీనామా చేశారు.

సెర్చ్ కమిటీ, సెలక్షన్ కమిటీలో ఎవరున్నారు?
ఇందుకోసం కేంద్ర న్యాయశాఖ మంత్రి అర్జున్ రామ్ మేఘ్వాల్ నేతృత్వంలో సెర్చ్ కమిటీని ఏర్పాటు చేశారు. ఈ కమిటీలో హోం సెక్రటరీ, సిబ్బంది, శిక్షణ శాఖ కార్యదర్శి ఉంటారు. ఇది ఒక్కొక్కటి ఐదు పేర్లతో రెండు ప్యానెల్లను సిద్ధం చేస్తుంది. దీని తరువాత, ప్రధానమంత్రి మోడీ, కేంద్ర నాయకులు, లోక్‌సభలో ప్రతిపక్ష నాయకుడు అధిర్ రంజన్ చౌదరితో కూడిన ఎంపిక కమిటీ ఖాళీగా ఉన్న రెండు ఎన్నికల కమిషనర్ పోస్టులకు చివరి ఇద్దరి పేర్లను ఎంపిక చేస్తుంది. దీని తర్వాత రాష్ట్రపతి ఎన్నికల కమిషనర్లను నియమిస్తారు.

చదవండి:Sugarcane Juice: చెరుకు రసం తాగుతున్నారా.. వీళ్లు తప్పకుండా గుర్తు పెట్టుకోండి