Gangster అవతారంలో విజయ్ దేవర కొండ..!

Vijay Deverakonda, A New Gangster!

Vijay Deverakonda: విజయ్ దేవర కొండ హీరోగా నటించిన ఖుషీ మూవీ ప్రస్తుతం విడుదలకు సిద్ధమైంది. వచ్చే నెల 1వ తేదీన ప్రేక్షకుల ముందుకు రానుంది. గౌతమ్ తిన్నూరితో కలిసి మరో సినిమాని లైన్‌లో పెట్టాడు. ఈ మూవీ షూటింగ్ ఆల్రెడీ మొదలైందనే విషయం తెలిసిందే. #VD12 పేరుతో సినిమాను పిలుస్తారు. టైటిల్ కన్ఫామ్ చేయలేదు. సినిమా గ్యాంగ్ స్టర్ జోనర్‌లో సాగుతుందని తెలుస్తోంది.

చదవండి: Allu Arjun: ఉత్తమ జాతీయ నటుడిగా బన్నీ

గతంలో విమర్శకుల ప్రశంసలు పొందిన స్పోర్ట్స్ డ్రామా “జెర్సీ”కి దర్శకత్వం వహించిన గౌతమ్ తిన్ననూరి గ్యాంగ్‌స్టర్ జోనర్‌లో మూవీ వేస్తున్నారు. కథా, పాత్రలను లోతుగా పరిశోధించే సామర్థ్యానికి పేరుగాంచిన గౌతమ్.. కళా ప్రక్రియకు సరికొత్త దృక్పథాన్ని తీసుకురావాలని భావిస్తున్నారు. భిన్నంగా సినిమా సాగుతుందని తెలుస్తోంది. అనిరుధ్ సంగీతం అందించనున్నారు.

గ్యాంగ్‌స్టర్ చలనచిత్రాలు వాటి కథలు, సంక్లిష్టమైన పాత్రలు, భయంకరమైన అండర్‌వరల్డ్‌ను అన్వేషించే విషయాలన్నీ సహజంగా ప్రేక్షకులను కట్టిపడేస్తాయి. గౌతమ్ విజయ్‌ని ఎలా చూపిస్తాడనే విషయం ఇప్పుడు హాట్ టాపిక్‌గా మారింది. మూవీకి సంబంధించి పూర్తి వివరాలు తెలియాల్సి ఉంది. త్వరలో అధికారికంగా ప్రకటించే అవకాశం ఉంది.