Tollywood star heroes with 'Jawan' director?
Atlee: జవాన్ సినిమా బాక్సాఫీస్ దగ్గర దుమ్ముదులిపేస్తోంది. కోలీవుడ్ మాస్ డైరెక్టర్ అట్లీ తెరకెక్కించిన ఈ సినిమాలో షారుఖ్ తప్పా.. మిగతా స్టార్ క్యాస్టింగ్ అంతా సౌత్ వారే ఉన్నారు. హీరోయిన్ నయన తార, విలన్ విజయ్ సేతుపతి, మ్యూజిక్ డైరెక్టర్ అనిరుధ్.. ఇలాంటి సౌత్ స్టార్స్‌తో కలిసి షారుఖ్ ఖాన్‌కు సాలిడ్ హిట్ ఇచ్చాడు అట్లీ. నాలుగు రోజుల్లోనే 500 కోట్ల మార్క్ టచ్ చేసి సెన్సేషన్ క్రియేట్ చేసింది జవాన్. ఇక ఈ సినిమా తర్వాత అట్లీ నెక్స్ట్ ప్రాజెక్ట్ విషయంలో ఇంట్రెస్టింగ్ బజ్ ఒకటి వైరల్‌గా మారింది.
చదవండి: Mega 156 ఎందుకు పక్కన పెట్టేశారు? మెగా 157 ముందు ఎందుకు?
చాలా రోజులుగా అట్లీ తెలుగు స్టార్ హీరోలతో సినిమా చేయడానికి ప్లాన్ చేస్తున్నాడు. ఎన్టీఆర్, అల్లు అర్జున్‌తో అట్లీ టచ్‌లో ఉన్నాడని వార్తలు వస్తునే ఉన్నాయి. ఈ విషయంలో ఇప్పటివరకు క్లారిటీ లేదు. జవాన్ బ్లాక్ బస్టర్ అవడంతో అట్లీ నెక్స్ట్ ప్రాజెక్ట్ తెలుగులోనే ఉంటుందని తెలుస్తోంది. త్వరలో బన్నీకి స్టోరీ నరేట్ చేయడానికి రెడీ అవుతున్నాడనే టాక్ ఉంది. ఎన్టీఆర్‌తో సినిమా ఉంటుందనే మాట కూడా వినిపిస్తోంది. ఈ ఇద్దరిలోనే ఎవరో ఒకరితో అట్లీ నెక్స్ట్ ప్రాజెక్ట్ ఉండే ఛాన్స్ ఉందని అంటున్నారు.
మరో వైపు షారుఖ్ ఖాన్ ‘జవాన్’ సినిమాకు సీక్వెల్ ప్లాన్ చేసే ఆలోచనలో ఉన్నాడట. దీంతో ఎన్టీఆర్, బన్నీ, షారుఖ్.. ఈ ముగ్గురిలో అట్లీ నెక్స్ట్ ప్రాజెక్ట్ ఎవరితో ఉంటుందనేది ఆసక్తికరంగా మారింది. ఎన్టీఆర్, బన్నీతోనే సినిమా ఉండే అవకాశం ఉందంటున్నారు. ప్రస్తుతం తారక్.. దేవర, వార్ 2, ప్రశాంత్‌ నీల్‌ సినిమాలు కమిట్ అయ్యాడు. ‘పుష్ప2’ తర్వాత త్రివిక్రమ్, సందీప్ రెడ్డి వంగతో సినిమాలు చేయనున్నాడు బన్నీ. కాబట్టి.. అట్లీ వీళ్లతో సినిమాలు చేయాలంటే వెయిట్ చేయాల్సి ఉంటుంది. మరి ఈ ఇద్దరిలో అట్లీకి ఎవరు ముందు ఛాన్స్ ఇస్తారో చూడాలి.
