That movie stopped.. Mega nephew who put a huge project on the line?
Sai Durga Tej: మెగా మేనల్లుడు సాయి ధరమ్ తేజ్ చివరగా ‘బ్రో’ సినిమాలో.. పవర్ స్టార్ పవన్ కళ్యాణ్‌తో కలిసి ప్రేక్షకులను అలరించాడు. అంతకుముందు విరూపాక్ష సినిమాతో సాలిడ్ హిట్ కొట్టి.. వంద కోట్ల క్లబ్‌లో చేరాడు. యాక్సిడెంట్ తర్వాత.. తేజ్ ఈ రెండు సినిమాలతో మంచి విజయాలను అందుకున్నాడు. అయితే.. నెక్స్ట్ ప్రాజెక్ట్ విషయంలో మాత్రం కాస్త గ్యాప్ తీసుకున్నాడు. ఇప్పటికే గాంజా శంకర్ అనే సినిమా అనౌన్స్ చేశాడు. సంపత్ నంది డైరెక్షన్‌లో అనౌన్స్ అయిన ఈ సినిమా టైటిల్ కాంట్రవర్సీకి కారణం అయ్యింది. దీంతో.. కొన్ని కారణాల ఈ ప్రాజెక్ట్ ఆగిపోయినట్టుగా వార్తలు వచ్చాయి. తేజ్ కూడా గాంజా శంకర్ పై క్లారిటీ ఇవ్వడం లేదు. ఇక ఇప్పుడు మరో కొత్త సినిమాకు రెడీ అవుతుండడంతో.. గాంజా శంకర్ అటకెక్కినట్టేనని చెబుతున్నారు.
చదవండి:Devara: దేవర.. అనిరుధ్ కష్టమే అట?
ఇటీవల సాయి దుర్గ తేజ్‌గా పేరు మార్చుకున్న తేజ్.. ఇప్పుడు ‘హనుమాన్’ నిర్మాత నిరంజన్ రెడ్డితో ఓ సినిమా చేబయబోతున్నాడు. ప్రైమ్ షో ఎంటర్‌టైన్‌మెంట్ పతాకంపై తెరకెక్కే ఈ సినిమాతో రాకేష్ అనే దర్శకుడు ఇంట్రడ్యూస్ కాబోతున్నాడు. ఇప్పటికే స్క్రిప్టు లాక్ చేసి.. త్వరలోనే ఈ సినిమాను సెట్స్ మీదకు తీసుకెళ్లడానికి రెడీ అవుతున్నారు. ఈ మూవీ 1940 కాలంలో పీరియాడిక్ బ్యాక్ డ్రాప్‌లో.. భారీ బడ్జెట్‌తో రూపొందనుందని సమాచారం. ఇప్పటికే ప్రీ ప్రొడక్షన్ వర్క్ స్టార్ట్ చేసిన మేకర్స్.. జూలైలో రెగ్యూలర్ షూటింగ్ స్టార్ట్ చెయ్యడానికి ప్లాన్ చేస్తున్నారట. మరి సాయి దుర్గ తేజ్ ఈసారి ఎలాంటి విజయాన్ని అందుకుంటాడో చూడాలి.
చదవండి:Keerthy Suresh: డిస్ట్రబ్ చేస్తున్న కీర్తి.. పూర్తిగా గ్లామర్ గేట్ల ఎత్తివేత?
