Pushpa 2: It's Pushparaj Mania.. Rashmika is full of happiness!
Pushpa 2: ఐకాన్ స్టార్ అల్లు అర్జున్, సుకుమార్‌ది డెడ్లీ కాంబినేషన్. ఆర్య సినిమాతో మొదలైన ఈ క్రేజీ కాంబో.. పుష్ప సినిమాతో పీక్స్‌కు వెళ్లిపోయింది. ఏకంగా బన్నీకి బెస్ట్ యాక్టర్‌గా నేషనల్ అవార్డ్ తెచ్చిపెట్టాడు సుకుమార్. ఇప్పుడు పుష్ప2తో వెయ్యి కోట్ల టార్గెట్‌గా థియేటర్లోకి రాబోతున్నారు. పుష్ప సీక్వెల్‌గా వస్తున్న పుష్ప2 పై అంచనాలు భారీగా ఉన్నాయి. ఇప్పటికే రిలీజ్ అయిన టీజర్, సాంగ్ దుమ్ముదులిపేశాయి.
ఇది కూడా చూడండి: Double Ismart: డబుల్ ఇస్మార్ట్.. కిరికిరి మొదలైంది!
టీజర్‌లో అమ్మవారి గెటప్‌లో చీర కట్టులో అదరగొట్టిన బన్నీ.. ఫస్ట్ సాంగ్‌లో సిగ్నేచర్ స్టెప్స్‌తో రచ్చ చేశాడు. పుష్ప.. పుష్ప.. పాట దేశ వ్యాప్తంగా సూపర్ రెస్పాన్స్ అందుకుంది. ఈ సాంగ్‌కి 73 మిలియన్స్‌కి పైగా వ్యూస్ రాగా, 2 మిలియన్స్‌కి పైగా లైక్స్ వచ్చాయి. దీంతో.. ఈ సినిమాలో శ్రీవల్లిగా నటిస్తున్న హీరోయిన్ రష్మిక తన సంతోషం వ్యక్తం చేసింది. నైస్, ఇది పుష్పరాజ్ మేనియా.. అంటూ చెప్పుకొచ్చింది. రష్మిక చెప్పిందని కాదు గానీ.. పుష్పరాజ్ మేనియా మాత్రం మామూలుగా లేదు. ఖచ్చితంగా ఈ సినిమాతో బన్నీ వెయ్యి కోట్ల క్లబ్‌లో జాయిన్ అవడం గ్యారెంటీ అని ట్రేడ్ వర్గాలు అంచనా వేస్తున్నాయి.
ఇది కూడా చూడండి: Kalki 2898AD: ఎన్నికల ఎఫెక్ట్.. ‘కల్కి’ నుంచి వారంతా వెళ్లిపోయారు?
ఇక బాలీవుడ్‌లో ఇప్పటి వరకున్న రికార్డులన్నింటిని పుష్పరాజ్ తిరగరాసేలా ఉన్నాడు. ఇప్పటికే 200 కోట్ల థియేట్రికల్ బిజినెస్‌తో సెన్సేషన్ క్రియేట్ చేశాడు. దీంతో.. డే వన్ భారీ ఓపెనింగ్స్ రాబట్టడం ఖాయమంటున్నారు. ఆగస్ట్ 15న వరల్డ్ వైడ్‌గా పాన్ ఇండియా బాషల్లో పుష్ప2 థియేటర్లలోకి రాబోతోంది. మరి ఈసారి పుష్పగాడు చేసే బాక్సాఫీస్ రచ్చ ఎలా ఉంటుందో చూడాలి.
