ప్రస్తుతం ప్రభాస్ నామ స్మరణతో సోషల్ మీడియా హోరెత్తిపోతోంది. ఇప్పటికే ప్రభాస్ పెదనాన్న, రెబల్ స్టార్ కృష్ణంరాజు సంస్మరణ సభతో ప్రభాస్ పేరు మార్మోగిపోతోంది. సుమారు 12 ఏళ్ల తర్వాత ప్రభాస్ మొగల్తూరుకి వెళ్లడంతో.. అక్కడ ఫ్యాన్స్ తాకిడితో పండగ వాతావరణం ఏర్పడింది. ఈ సందర్భంగా అభిమానుల కోసం లక్ష మందికి పైగా.. దాదాపు 30 రకాల వంటకాలతో రాజ భోజనాలు ఏర్పాటు చేయించాడు ప్రభాస్. ఎవరికీ ఎలాంటి ఇబ్బంది లేకుండా ఈ కార్యక్రమాన్ని నిర్వహించాడు. ఈ వంటకాల కోసం ప్రభాస్ దాదాపు 4 కోట్ల వరకు ఖర్చు చేసినట్లు తెలుస్తోంది. ప్రస్తుతం ఈ న్యూస్ సోషల్ మీడియాలో వైరల్‌గా మారింది. ఇక ఆదిపురుష్ టీజర్ పోస్టర్‌ ప్రభాస్‌కు ఫ్యాన్స్‌కు మరో పండగను తీసుకొచ్చేసింది. రాముడి లుక్‌లో ప్రభాస్‌ను చూసి తెగ మురిసిపోతున్నారు. అలాగే టీజర్ కోసం ఎగ్జైటింగ్‌గా ఎదురు చూస్తున్నారు. ఇదిలా ఉంటే ఓ క్రేజీ బజ్ మళ్లీ తెరపైకొచ్చింది. గతంలో బాహుబలి తరహాలోనే ఆదిపురుష్‌కు సీక్వెల్ ప్లాన్ చేస్తున్నట్టు వార్తలొచ్చాయి. ప్రస్తుతం సోషల్ మీడియాలో ‘ఆదిపురుష్’ ఆరంభం అనే హ్యాష్ ట్యాగ్స్ కనిపిస్తున్నాయి. దాంతో మళ్లీ ఆదిపురుష్‌కు సీక్వెల్ ప్లాన్ చేస్తున్నారనే న్యూస్ వైరల్‌గా మారింది. అయితే ఇది కేవలం ఫ్యాన్స్ బజ్ మాత్రమే.. ఇందులో ఏ మాత్రం నిజం లేదు. ఇదే కాదు సలార్ మూవీని కూడా ప్రశాంత్ నీల్ రెండు భాగాలుగా ప్లాన్ చేస్తున్నాడని ప్రచారం జరుగుతోంది. కాబట్టి అఫీషియల్ అనౌన్స్మెంట్ వస్తే గానీ.. ఇలాంటి వార్తల్లో ఎంతవరకు నిజముందనేది తెలియదు.
