నాని కెరీర్ దసరా సినిమాకు ముందు ఓ లెక్క.. ఆ తర్వాత మరో లెక్క అనేలా ఉంది ట్రైలర్. అసలు నాని మేకోవర్ చూస్తే ఔరా అనాల్సిందే. మార్చి 30న థియేటర్లో ఊచకోత కోసేందుకు వస్తున్నాడు నాని. అందుకోసం భారీగా ప్రమోషన్స్ చేస్తున్నాడు. ఇప్పటికే నార్త్ ఏరియాలను చుట్టేస్తున్నాడు. దసరా ట్రైలర్‌ను ఉత్తర్‌ప్రదేశ్ రాజధాని లక్నోలో గ్రాండ్‌గా విడుదల చేశారు. ఈ సందర్భంగా నానికి ఘనస్వాగతం పలికారు. లారీ ఎక్కి మరీ ఫ్యాన్స్‌ను కిక్ ఇచ్చాడు నాని. టీమ్‌తో కలిసి రెస్టారెంట్‌లో కూడా సందడి చేశాడు. మొత్తంగా దసరా మూవీని జనాల్లోకి తీసుకెళ్లాడానికి.. చేయాల్సిదంతా చేస్తున్నాడు నాని. ఇక ట్రైలర్ చూసిన తర్వాత సినిమా పై అంచనాలు భారీగా పెరిగిపోయాయి. కొత్త దర్శకుడే అయినా.. శ్రీకాంత్ ఓదెల బాక్సాఫీస్ దగ్గర అసలైన దసరా చూపించబోతున్నాడు. అన్ని వర్గాల నుంచి దసరా ట్రైలర్‌కు అదిరిపోయే రెస్పాన్స్ వస్తోంది. రిలీజ్ అయిన ఐదు భాషల్లో కలిపి 12 మిలియన్స్‌కి పైగా వ్యూస్.. 400Kకి పైగా లైక్స్‌ సొంతం చేసుకుని యూట్యూబ్‌లో దూసుకెళ్తోంది. నాని ఊర మాస్ లుక్, డైలాగ్స్, యాక్షన్‌.. కీర్తి సురేష్ డీ గ్లామర్, సంతోష్ నారాయణన్ బ్యాక్ గ్రౌండ్ స్కోర్‌తో దసరా ట్రైలర్ దుమ్ములేపుతోంది. హిందీలో కూడా ఈ ట్రైలర్‌కి మిలియన్స్ ఆఫ్ వ్యూస్ వస్తున్నాయి. దీంతో ఖచ్చితంగా దసరా బాక్సాఫీస్ దగ్గర భారీ వసూళ్లను రాబట్టేలా కనిపిస్తోంది. నాని కెరీర్లో హైయెస్ట్ ఓపెనింగ్స్‌తో పాటు కెరీర్ బెస్ట్‌గా ఈ సినిమా నిలిచిపోవడం ఖాయమంటున్నారు. ఇప్పటికే ప్రీ రిలీజ్ బిజినెస్ వంద కోట్ల మార్కు దాటేసింద‌ని ఇండ‌స్ట్రీ టాక్. సినిమాకు ఏ మాత్రం పాజిటివ్ టాక్ వచ్చినా.. ఈజీగా 100 కోట్లు కొట్టేయడం ఖాయమంటున్నారు. మరి నాని ఏం చేస్తాడో చూడాలి.
