Lokesh Kanagaraj సొంత బ్యానర్.. ఫస్ట్ ఛాన్స్ వారికే!

Lokesh Kanagaraj's own banner.. First chance for them!

Lokesh Kanagaraj: ప్రస్తుతం కోలీవుడ్ స్టార్ డైరెక్టర్స్ లిస్ట్ తీస్తే లోకేష్ కనగరాజ్ (Lokesh Kanagaraj) కూడా టాప్ ప్లేస్‌లో ఉంటాడు. ఇప్పటి వరకు కేవలం ఐదు చిత్రాలు మాత్రమే చేసిన లోకేష్.. కానీ అతి తక్కువ సమయంలోనే స్టార్ డైరెక్టర్ లిస్ట్‌లోకి అయిపోయాడు. నగరం తర్వాత లోకేష్‌ కనకరాజ్‌ (Lokesh Kanagaraj) సినిమాటిక్‌ యూనివర్స్‌లో భాగంగా ఖైదీ, విక్రమ్‌ సినిమాలు చేశాడు లోకేష్. మధ్యలో స్టాండ్ అలోన్ ప్రాజెక్ట్‌గా మాస్టర్ సినిమా చేశాడు. ఈ సినిమా ఫ్లాప్ అవడంతో.. మరోసారి ఎల్‌సీయూలో భాగంగా విజయ్‌తో ‘లియో’ సినిమా చేశాడు. ఇటీవల రిలీజ్ అయిన ఈ సినిమా.. టాక్‌తో సంబంధం లేకుండా భారీ వసూళ్లను రాబట్టింది. ఇక ఈ సినిమా తర్వాత సూపర్ స్టార్ రజనీకాంత్‌తో తలైవార్ 171 ప్రాజెక్ట్ చేస్తున్నాడు లోకేష్. త్వరలోనే ఈ ప్రాజెక్ట్ అనౌన్స్మెంట్ రానుంది.

చదవండి: Chiru పార్టీ పెట్టి వెయ్యి కోట్లు సంపాదించారు: మన్సూర్ అలీఖాన్

తమిళంలో స్టార్ హీరోలతో సినిమాలు చేసి స్టార్ డైరెక్టర్‌గా గుర్తింపు తెచ్చుకున్న లోకేష్ ఇప్పుడు.. సొంత బ్యానర్ స్థాపించి నిర్మాతగా మారాడు. తాను జి స్క్వాడ్‌ అనే నిర్మాణ సంస్థను ప్రారంభించినట్లు సోషల్ మీడియా వేదికగా తెలిపాడు లోకేష్. ఈ విషయాన్ని మీకు తెలియజేస్తున్నందుకు ఆనందంగా ఉంది. స్నేహితులు, అసిస్టెంట్లను ఎంకరేజ్ చేయాలనుకుంటున్నారు. ఈ సంస్థలో వచ్చే ఫస్ట్ సినిమాలు వారివే ఉంటాయి. మీ ప్రేమ, మద్దతు ఎప్పటిలానే తనపై ఉండాలని కోరుకుంటున్నా. త్వరలో ఈ బ్యానర్‌లో తెరకెక్కే ఫస్ట్ ప్రాజెక్టు అప్డేట్స్‌ ఉంటుందని.. తెలిపాడు. మరిన్ని మంచి కథలు చెప్పడంతోపాటు వినోదాన్ని అందించాలనే ఉద్దేశంతో సొంత ప్రొడక్షన్ హౌజ్ మొదలు పెట్టాడు లోకేష్. మరి లోకేష్ బ్యానర్లో ఫస్ట్ ప్రాజెక్ట్ ఎవరితో ఉంటుందో చూడాలి.