Kajal's 'Satyabhama' date fix... Balayya as event guest!
Kajal: ప్రస్తుతం సత్యభామ అనే ఫిమేల్ ఓరియెంటెడ్ సినిమాతో ప్రేక్షకుల ముందుకు రాబోతోంది చందమామ కాజల్ అగర్వాల్. ఈ సినిమాలో కాజల్ పోలీస్ ఆఫీసర్‌గా నటించింది. ఇప్పటికే రిలీజ్ చేసిన సత్యభామ టీజర్, సాంగ్స్‌కు మంచి రెస్పాన్స్ వచ్చింది. అయితే.. ఇప్పటికే ఈ సినిమా పలుమార్లు వాయిదా పడింది. మే 17 నుంచి వాయిదా చేసి మే 31 రిలీజ్ చేద్దామని అనుకున్నారు మేకర్స్. కానీ మళ్ళీ సత్యభామ వాయిదా పడింది. తాజాగా కొత్త డేట్ ప్రకటించారు మేకర్స్. సత్యభామ జూన్ 7న రిలీజ్ కాబోతున్నట్టు చిత్ర యూనిట్ ప్రకటించింది. ఇక రిలీజ్ డేట్ దగ్గర పడుతుండడంతో ప్రమోషన్స్‌తో బిజీగా ఉంది కాజల్. ఈ నేపథ్యంలో ట్రైలర్ లాంచ్ ఈవెంట్‌ను గ్రాండ్‌గా ప్లాన్ చేస్తున్నారు మేకర్స్.
చదవండి:Naga Chaitanya: సమంతతో పెళ్లి, చిరాకు పడిన నాగచైతన్య.. వీడియో వైరల్
ఈ ఈవెంట్‌ని మే 24న, అంటే ఈ రోజు సాయంత్రం హైద‌రాబాద్‌లోని ఐటీసీ కోహెనూర్‌లో నిర్వ‌హించ‌బోతున్నట్టు ప్రకటించారు. రాత్రి 8 గంటల 1 నిమిషానికి బాలయ్య చేతుల మీదుగా సత్యభామ ట్రైలర్ రిలీజ్‌కు ముహూర్తం ఫిక్స్ చేశారు. సత్యభామ ఈవెంట్‌కి బాలకృష్ణ ముఖ్య అతిథిగా రాబోతున్నారు. బాలయ్య, కాజల్ అగర్వాల్ కలిసి భగవంత్‌ కేసరి సినిమాలో నటించారు. ఈ సినిమా మంచి బ్లాక్‌బస్టర్‌ అయింది. అందుకే.. ఇప్పుడు కాజల్ కోసం బాలయ్య ముఖ్య అతిథిగా వస్తున్నాడు. బాలయ్య అభిమానులు కూడా ఈ ఈవెంట్ కోసం ఎదురుచూస్తున్నారు. మరి సత్యభామ వేదిక మీద బాలయ్య స్పీచ్ ఎలా ఉంటుందో చూడాలి.
చదవండి:Kalki: ‘కల్కి’ విషయంలో స్టార్ హీరోయిన్ పై ప్రభాస్ ఫ్యాన్స్ ఫైర్!
