Gopichand: ఒకప్పటి గోపీచంద్.. అంటే జయం, వర్షం సినిమాలోని విలన్‌.. యజ్ఙం, రణం వంటి సినిమాల్లోని హీరో గోపీచంద్‌ను తిరిగి స్క్రీన్ పై ప్రజెంట్ చేస్తే చాలు.. హిట్ పడినట్టే. కానీ ఎందుకో గోపీకి ఈ మధ్య అస్సలు వర్కౌట్ అవడం లేదు. చివరగా వచ్చిన రామబాణం గురి కూడా తప్పింది. దీంతో రోజు రోజుకి గోపీచంద్ మార్కెట్ డౌన్ అవుతునే ఉంది. అందుకు కారణం గోపీచంద్ మూస ధోరణిలోనే వెళ్లడమే. లక్ష్యం, లౌక్యం వంటి సూపర్ హిట్ సినిమాలు ఇచ్చిన శ్రీవాస్‌ని గుడ్డిగా నమ్మి, రొటీన్ కమర్షియల్ మూవీగా ‘రామబాణం’ చేశాడు. కానీ ఈ సినిమా కూడా గోపిచంద్‌ను సక్సెస్ ట్రాక్ ఎక్కించలేకపోయింది. దీంతో నెక్స్ట్ ప్రాజెక్ట్‌తో ఎలాగైనా సరే హిట్ కొట్టాలని చూస్తున్నాడు.
ఇది కూడా చూడండి: Bharathi Cement: సుప్రీంకోర్టులో భారతి సిమెంట్స్‌కు షాక్
గోపీచంద్ నటిస్తున్న లేటెస్ట్ ఫిల్మ్ భీమా. హర్ష దర్శకత్వం వహిస్తున్న ఈ చిత్రంలో గోపీచంద్ సరసన ప్రియా భవానీ శంకర్‌, మాళవిక శర్మ హీరోయిన్లుగా నటిస్తున్నారు. శ్రీసత్యసాయి ఆర్ట్స్‌ బ్యానర్‌పై కేకే రాధామోహన్‌ నిర్మిస్తున్న ఈ చిత్రానికి సలార్ ఫేమ్ రవిబస్రూర్ సంగీతం అందిస్తున్నాడు. తాజాగా ఈ సినిమా టీజర్‌ను రిలీజ్ చేయగా.. ఇందులో పవర్ ఫుల్ పోలీసాఫీసర్‌గా కనిపించబోతున్నాడు గోపీచంద్. శ్లోకంతో స్టార్ట్ అయిన టీజర్.. గుడిని, రౌడీలను, ప్రజలను చూపిస్తూ ఊరమాస్‌గా ఉంది.
ఇది కూడా చూడండి: Pakistan Election: ఎన్నికలు వాయిదా.. తీర్మానాన్ని ఆమోదించిన సెనేట్
చివర్లో ఈ రాక్షసులను వేటాడే బ్రహ్మ రాక్షసుడు వచ్చాడురా.. అనగానే పోలీస్ డ్రెస్‌లో ఒక ఎద్దుపై గోపిచంద్ కూర్చోని స్టైల్‌గా కనిపించాడు. దీంతో ఒక్కసారిగా ఈ సినిమాపై అంచనాలను పెంచేశాడు. గతంలో గోపీచంద్ పోలీస్ డ్రెస్ వేసిన సినిమాలు మంచి విజయాన్ని అందుకున్నాయి. దీంతో భీమాతో గోపీచంద్ బౌన్స్ బ్యాక్ అయ్యేలాగే కనిపిస్తున్నాడు. ఫిబ్రవరి 16న ఈ సినిమాను ప్రేక్షకుల ముందుకు రానుంది. మరి ఈ సినిమాతో గోపీచంద్ సక్సెస్ ట్రాక్ ఎక్కుతాడేమో చూడాలి.
ఇది కూడా చూడండి: Ram charan: RC16లో మరో స్టార్ హీరో ఫిక్స్!
