Good news for Balayya fans!
BalaKrishna: యంగ్ డైరెక్టర్ అనిల్ రావిపూడి దర్శకత్వంలో వచ్చిన ‘భగవంత్ కేసరి’ సినిమాతో గత ఏడాది హ్యాట్రిక్ హిట్ అందుకున్నాడు. ఇక ఈ సినిమా తర్వాత బాబీ డైరెక్షన్‌లో ఓ సినిమా చేస్తున్నాడు బాలయ్య. వాల్తేరు వీరయ్యతో మెగాస్టార్‌కు సూపర్ హిట్ ఇచ్చిన బాబీ, ఈసారి బాలయ్యకు హిట్ ఇవ్వడానికి వస్తున్నాడు. ఎన్బీకె 109 వర్కింగ్ టైటిల్‌తో ఈ సినిమా షూటింగ్ జరుపుకుంటోంది. సితార ఎంటర్టైన్మెంట్స్ బ్యానర్ పై నిర్మాత నాగవంశీ గ్రాండ్‌గా ఈ సినిమాను నిర్మిస్తున్నారు. ఇక బాలయ్య పేరు చెబితేనే ఊగిపోతున్న తమన్.. మరోసారి ఎన్బీకె 109 కోసం డ్యూటీ ఎక్కేశాడు. ఇప్పటికే ఈ సినిమా నుంచి రిలీజ్ చేసిన గ్లింప్స్‌కు సూపర్ రెస్పాన్స్ వచ్చింది. మాస్ డైలాగ్స్ తో అదరగొట్టాడు బాలయ్య.
చదవండి:Game Changer: ఫైనల్‌గా ‘గేమ్ చేంజర్’ రిలీజ్ డేట్ ఫిక్స్?
ఇక ఇప్పుడు మరోసారి బాలయ్య ఫ్యాన్స్‌కు పూనకాలేనని అంటున్నారు మేకర్స్. లేటెస్ట్‌గా.. విశ్వక్ సేన్ నటించిన ‘గ్యాంగ్స్ ఆఫ్ గోదావరి’ సినిమా ప్రీ రిలీజ్ ఈవెంట్‌కు ముఖ్య అతిథిగా హాజరయ్యాడు బాలయ్య. ఈ వేదిక పై విశ్వక్ సేన్‌తో బాలయ్య చేసిన రచ్చ అంతా ఇంతా కాదు. ప్రస్తుతం అందుకు సంబంధించిన వీడియోలు సోషల్ మీడియాను షేక్ చేస్తున్నాయి. అయితే.. ఈ ఈవెంట్‌లో ఎన్బీకె 109 గ్లింప్స్ ప్లే చేశారు. ఆ తర్వాత.. ‘గ్లింప్స్ చూశారు కదా! ఎలా ఉంది? జూన్ 10న ఇంకొకటి ప్లాన్ చేస్తున్నాం. ఫ్యాన్స్‌కు పూనకాలు వచ్చేస్తాయి’ అని నిర్మాత నాగవంశీ చెప్పుకొచ్చాడు. జూన్ 10న బాలయ్య బర్త్ డే ఉంది. ఆరోజు ఎన్బీకె 109 టైటిల్ గ్లింప్స్ రిలీజ్ చేసే ఛాన్స్ ఉంది. అలాగే.. అఖండ 2కి సంబంధించిన అప్డేట్ కూడా వచ్చే అవకాశముంది. ఏదేమైనా.. జూన్ 10న బాలయ్య ఫ్యాన్స్‌కు పూనకాలేనని చెప్పొచ్చు.
చదవండి:Janhvi Kapoor: వారం రోజుల్లోనే నా పెళ్లి చేసేలా ఉన్నారు.. జాన్వీ కపూర్
