Pakistan : పాకిస్థాన్‌లోని పంజాబ్ కౌంటర్ టెర్రరిజం డిపార్ట్‌మెంట్ (CTD) అల్ ఖైదా సీనియర్ నాయకుడు అమీన్ ఉల్ హక్‌ను అరెస్టు చేసింది. అమెరికాలో 9/11 దాడుల సూత్రధారి ఒసామా బిన్ లాడెన్‌కు అత్యంత సన్నిహితుడు. ప్రావిన్స్‌లోని ముఖ్యమైన సంస్థలను లక్ష్యంగా చేసుకుని దాడులకు ప్లాన్ చేశాడని ఆరోపిస్తూ ఉల్ హక్‌పై కేసు నమోదు చేసినట్లు సీఐడీ పంజాబ్ తెలిపింది. ఒసామా బిన్ లాడెన్ సన్నిహితుడు, సీనియర్ అల్ ఖైదా నాయకుడు అమీన్ ఉల్ హక్‌ను ఇంటెలిజెన్స్ ఆధారిత ఆపరేషన్‌లో ఉగ్రవాద నిరోధక విభాగం పంజాబ్ అరెస్టు చేసినట్లు సీఐడీ ఒక ప్రకటనలో తెలిపింది.
చదవండి:Stock Market : స్టాక్ మార్కెట్ లో గందరగోళం.. ఆరు గంటల్లో రూ.8లక్షల కోట్లు నష్టపోయిన ఇన్వెస్టర్లు
పంజాబ్‌లోని గుజరాత్ జిల్లా సరాయ్ అలంగీర్ నగరంలో ఉల్ హక్‌ను అరెస్టు చేసినట్లు ప్రకటన పేర్కొంది. అమీన్ ఉల్ హక్ 1996 నుంచి ఒసామా బిన్ లాడెన్‌కు అత్యంత సన్నిహితుడని, పలు ఉగ్రవాద కార్యకలాపాలకు పాల్పడ్డాడని ఆ ప్రకటన పేర్కొంది. ఐక్యరాజ్యసమితి గ్లోబల్ టెర్రరిస్టుల జాబితాలో ఉల్ హక్ పేరును చేర్చారు. పాకిస్థాన్‌లో.. ప్రపంచవ్యాప్తంగా ఉగ్రవాదాన్ని ఎదుర్కోవడానికి జరుగుతున్న ప్రయత్నాలలో అమీన్ ఉల్ హక్ అరెస్టు ఒక ముఖ్య పరిణామమని సీఐడీ పేర్కొంది. పట్టుబడిన ఉగ్రవాది దేశంలో తీవ్రవాదాన్ని పెద్ద ఎత్తున వ్యాప్తి చేసేందుకు ప్లాన్ చేస్తున్నాడని పేర్కొంది. సీఐడీ పంజాబ్ ఉగ్రవాదులను.. దేశ వ్యతిరేక శక్తులను కటకటాల వెనుకకు తీసుకురావడానికి తన ప్రయత్నాలను ముమ్మరం చేశారని ప్రకటన పేర్కొంది.
చదవండి:Uttarpradesh : రెండున్నర అడుగుల ఎత్తు, 12 కేజీల బరువు… అడవిలో లభ్యమైన శ్రీకృష్ణుడి విగ్రహం
అమీనుల్ హక్‌పై కేసు నమోదు చేసి దర్యాప్తు ప్రారంభించినట్లు డీఐజీ గొండాల్ వెల్లడించారు. అంతర్జాతీయంగా, హక్ ఒసామా బిన్ లాడెన్ భద్రతా పర్యవేక్షకుడిగా పరిగణించబడ్డాడు. గతంలో 2007లో అమీనుల్ హక్‌ను అరెస్టు చేసిన సమయంలో నాలుగేళ్ల జైలు శిక్ష పడింది. ఆయనపై విదేశీ నిఘా సంస్థ పెద్ద ఎత్తున ప్రచారం చేసిందని డీఐజీ గొండాల్ తెలిపారు. హక్ ఆగస్టు 2021లో తిరిగి పాకిస్తాన్‌లోకి ప్రవేశించే ముందు ఆఫ్ఘనిస్తాన్‌లో కనిపించాడు. అదుపులోకి తీసుకున్న ఉగ్రవాది వద్ద లాహోర్, హరిపూర్ చిరునామాలు ఉన్న పాకిస్థాన్ గుర్తింపు కార్డు ఉంది. అతను పాకిస్థాన్‌లోకి ఎలా ప్రవేశించాడు, ఏ గుర్తింపుతో ప్రయాణిస్తున్నాడు అనే కోణంలో దర్యాప్తు జరుగుతోంది. ఉగ్రవాదిపై నమోదైన కేసును కఠినంగా విచారిస్తామని, నిందితుడిపై పూర్తి స్థాయిలో చర్యలు తీసుకుంటామని డీఐజీ గొండాల్ ఉద్ఘాటించారు.
