ఆనంద్ దేవరకొండ హీరోగా, వైష్ణవి చైతన్య హీరోయిన్‌గా నటించిన బేబీ సినిమా జూలై 14వ తేదీన ఆడియెన్స్‌ ముందుకొచ్చింది. యూత్‌కి ఈ సినిమా తెగ నచ్చడంతో.. మొత్తంగా నాలుగు రోజుల్లో 31 కోట్ల గ్రాస్ వసూళ్లను ఇచ్చేశారు. దీంతో కల్ట్ బ్లాక్ బస్టర్‌గా భారీ వసూళ్ల దిశగా దూసుకుపోతోంది బేబి. పవర్ స్టార్ పవన్ కళ్యాణ్ నటించిన ‘బ్రో’ సినిమా జూలై 28న రిలీజ్ కానుంది. అప్పటి వరకు బేబీ వసూళ్ల హవా మామూలుగా ఉండదని అంటున్నారు. ఇక ఆనంద్ దేవరకొండ కెరీర్లోనే ఈ సినిమా బిగ్గెస్ట్ హిట్‌గా నిలిచేలా ఉంది. అలాగే యూట్యూబర్‌గా ఉన్న వైష్ణవి చైతన్యకు ఈ సినిమా పెద్ద బ్రేక్ ఇచ్చిందని చెప్పొచ్చు.
చదవండి: NTR: ‘వార్-2’ కథ లీక్.. ఎన్టీఆర్ ఎంట్రీ అప్పుడే?
ఇప్పటికే బేబీకి భారీ ఆఫర్లు వస్తున్నాయి. ఇక ఈ సినిమాలో మరో కీ రోల్ ప్లే చేసిన విరాజ్ గురించి ఇక్కడ ప్రత్యేకంగా చెప్పుకోవాలి. ఈ యంగ్ టాలెంట్ ఇండస్ట్రీలో అడుగుపెట్టి చాలా కాలమే అవుతోంది. కానీ అతని గురించి పెద్దగా ఎవరికీ తెలియదు. అయితే బేబీ హిట్‌తో ఒక్కసారిగా పాపులర్ అయిపోయాడు విరాజ్. తాజాగా సక్సెస్‌ మీట్‌లో విరాజ్ మాట్లాడుతూ.. ‘ఎక్కడికి వెళ్లినా అందరూ నా పాత్రను తిడుతున్నారు. అలాగే కొన్ని చోట్ల వైష్ణవిని తిడుతున్నారు. అందుకు కారణం వాళ్లంతా ఆ పాత్రలకి కనెక్ట్ అవడమేనని’ చెప్పుకొచ్చాడు.
చదవండి: Hidimbha: ‘హిడింబ’ ట్రైలర్ లాంచ్ ఈవెంట్..ఫోటో గ్యాలరీ
దీంతో ప్రస్తుతం అందరి దృష్టి విరాజ్ పై పడింది. ఈ కుర్రాడు ‘అనగనగ ఒక ప్రేమకథ’ అనే చిత్రం ద్వారా హీరోగా, డైరెక్టర్‌గా ఇండస్ట్రీకి పరిచయం అయ్యాడు. కానీ ఈ సినిమా ఏ మాత్రం గుర్తింపు ఇవ్వలేకపోయింది. ఆ తర్వాత అనసూయతో కలిసి ‘థాంక్యూ బ్రదర్’ అనే సినిమాలో నటించాడు. అయినా కూడా పెద్దగా గుర్తింపు రాలేదు. కానీ ఆ తర్వాత ‘మనసానమః’ అనే షార్ట్ ఫిలింతో అంతర్జాతీయ స్థాయిలో గుర్తింపు తెచ్చుకున్నాడు. అంతర్జాతీయ స్థాయిలో ఈ షార్ట్ ఫిలిం ఏకంగా 513 అవార్డ్స్ దక్కించుకుంది. దీంతో గిన్నిస్ బుక్ ఆఫ్ వరల్డ్ రికార్డ్స్‌లోకి కూడా ఎక్కింది. ఈ విషయం చాలా తక్కువ మందికి మాత్రమే తెలుసు. కానీ ఇప్పుడు బేబి సినిమాతో పాపులర్ అయ్యాడు విరాజ్. మరి మున్ముందు విరాజ్‌కు ఎలాంటి అవకాశాలు వస్తాయో చూడాలి.
చదవండి: Priya prakash Varrier: పవన్ కళ్యాణ్‌తో నటించడం గర్వంగా ఉంది: ప్రియాప్రకాష్ వారియర్
