సాహో సినిమా ఫేమ్ సుజిత్ దర్శకత్వం వహిస్తున్న “#TheyCallHimOG” విషయంలో పవన్ కళ్యాణ్ చాలా జాగ్రత్తలు తీసుకుంటున్నాడు. ఈ సినిమా కోసం జనసేనాని డేట్స్ కేటాయించడమే కాకుండా ఫారిన్ ట్రిప్ కూడా వెళ్లడానికి ప్లాన్ చేయడం గమనార్హం. ఫిల్మ్ నగర్ సమాచారం ప్రకారం.. పవన్ కళ్యాణ్ అక్టోబర్‌లో #OG కోసం దాదాపు 20 రోజుల డేట్లు ఇచ్చాడు. నవంబర్‌లో కూడా మరో డజను డేట్లు ఇచ్చినట్లు తెలుస్తోంది. దీనిలో భాగంగా ఆయన షూటింగ్ కోసం బ్యాంకాక్ వెళ్లాలట. దాని కూడా పవన్ ఒకే చెప్పినట్లు తెలుస్తోంది.
చదవండి: Nagarjuna: కొత్త డైరెక్టర్ తో నాగ్.. వర్కౌట్ అవుతుందా?
2018లో త్రివిక్రమ్ అజ్ఞాతవాసి తర్వాత, పవర్‌స్టార్ పవన్ కళ్యాణ్ తన సినిమా షూటింగ్‌ల కోసం ఏ విదేశీ గడ్డపైకి అడుగు పెట్టలేదు. సినిమాలు చాలా వరకు హైదరాబాద్ , చుట్టుపక్కల ఉన్న స్టూడియోల్లోనే చిత్రీకరించారు. కానీ ఇప్పుడు ఆయన #OG కోసం బ్యాంకాక్‌లో కొన్ని ఛేజింగ్‌లు, యాక్షన్ సన్నివేశాలను చేయనున్నాడు. సెప్టెంబర్ 2వ తేదీన పవన్ కళ్యాణ్ పుట్టినరోజు సందర్భంగా #OG మొదటి సంగ్రహావలోకనం చూసేందుకు అభిమానులు సిద్ధమవుతున్నారు. ఆ రోజు విడుదల చేయడానికి వారు రెండు పోస్టర్‌లను కూడా డిజైన్ చేసినట్లు తెలుస్తోంది.
