కర్నూలు: ఆలూరు నియోజకవర్గంలోని చిప్పగిరిలో మతిస్థిమితం లేని ఒక వ్యక్తి ప్రమాదవశాత్తు బావిలోపడి మృతి చెందాడు. స్థానికులు తెలిపిన వివరాల ప్రకారం.. మృతుడు కుమ్మరి శంకరయ్య (65) కొంత కాలంగా మతిస్థిమితం కోల్పోయి రహదారులు వెంట తిరుగుతూ ఉండేవారని అన్నారు. రహదారి వెంట నడుచుకుంటూ వెళ్లిన ఆయన చిప్పగిరి గ్రామ సచివాలయం వెనక ఉన్న బావిలో పడి మృతి చెందాడని తెలిపారు.
TG: హైదరాబాద్, మలక్‌పేట్ మెట్రో స్టేషన్ వద్ద అగ్ని ప్రమాదం సంభవించింది. పిల్లర్ నంబర్ 1409 వద్ద ప్రమాదం చోటు చేసుకుంది. పార్క్ చేసిన వాహనాలకు మంటలు అంటుకున్నాయి. ఈ ప్రమాదంలో 5 బైకులు దగ్ధం అయ్యాయి. దీంతో దట్టమైన పొగ వ్యాపించింది. పొగ మూలంగా ప్రయాణికులు ఇబ్బందులకు గురయ్యారు. ఈ ప్రమాదంపై పూర్తి వివరాలు తెలియాల్సి ఉంది.
కృష్ణా: సీతనపల్లి లో ఒక ఘోర రోడ్డు ప్రమాదం జరిగింది. ఈ ప్రమాదంలో ఆరుగురు మృత్యువాత పడ్డరని తెలిసింది. ఒక లారీ ఒక ట్రాక్టర్ నీ ఢీ కొనడం వల్ల ఈ ప్రమాదం జరిగింది. ఈ విషయాన్ని పోలీసులు విచారిస్తున్నారు.
అనంతపురం జిల్లా గుంతకల్లు నియోజకవర్గ కాంగ్రెస్ సీనియర్ నేత తిమ్మారెడ్డి శుక్రవారం గుండెపోటుతో అకస్మాత్తుగా మృతి చెందారు. విషయం తెలుసుకున్న పలువురు రాజకీయ నేతలు ఆయన కుటుంబ సభ్యులకు ప్రగాఢ సానుభూతి తెలిపారు. ఆయన మృతి కాంగ్రెస్ పార్టీకి తీరని లోటని పేర్కొన్నారు. తిమ్మారెడ్డి మృతికి మాజీ ఎమ్మెల్యే వెంకట్రామిరెడ్డి సంతాపం తెలిపారు.
W.G: నల్లజర్ల మండలం దుబచర్లలో శుక్రవారం మరో రోడ్డు ప్రమాదం జరిగింది. స్థానికులు తెలిపిన వివరాల ప్రకారం.. రోడ్డుపై ఆగి ఉన్న లారీని కారు వెనుక నుంచి ఢీకొట్టింది. ఈ ఘటనలో ఇద్దరు వ్యక్తులకు తీవ్రగాయాలయ్యాయి. ఈ ఘటనలో కారు పూర్తిగా దెబ్బతింది. క్షతగాత్రులను అంబులెన్స్‌లో ఆసుపత్రికి తరలించారు. ఈ ఘటనపై మరింత సమాచారం తెలియాల్సి ఉంది.
ఉత్తరప్రదేశ్ లో ఘోర రోడ్డు ప్రమాదం జరిగింది. పిలిభిత్‌ జిల్లాలో జరిగిన రోడ్డు ప్రమాదంలో ఆరుగురు దుర్మరణం చెందారు. పెళ్లి వేడుకకు వెళ్లి తిరిగి వస్తున్న ఎర్టిగా కారు అదుపుతప్పి హైవే పక్కనే ఉన్న చెట్టును ఢీకొట్టింది. చెట్టును ఢీ కొట్టిన వెంటనే కారు ముక్కలైంది. కారులో 11 మంది ఉన్నారు. ఆరుగురు అక్కడికక్కడే మృతి చెందారు. మరో ఐదుగురికి తీవ్ర గాయాలవగా.. వారిని ఆసుపత్రిలో చేర్పించారు.
ప్రకాశం: కొరిశపాడు మండలం మెదరమెట్ల గ్రామంలోని స్థానిక దర్గా సెంటర్ నందు బీహార్ రాష్ట్రానికి చెందిన సలీమా ఖాతుమ్ శుక్రవారం ఇంట్లో ఉరివేసుకుని ఆత్మహత్యకు పాల్పడింది. గమనించిన స్థానికులు పోలీసులకు సమాచారం అందించడంతో వారు సంఘటన స్థలానికి చేరుకుని ఆత్మహత్య చేసుకున్న తీరును పరిశీలించారు. అయితే యువతి ఆత్మహత్యకు సంబంధించి కారణాలు తెలియాల్సి ఉంది.
PLD: ఎడ్లపాడు మండలం కొండవీడు గ్రామంలో బుధవారం రాత్రి షేక్ బారాన్ (57) అనే వ్యక్తిపై కొందరు వ్యక్తులు దాడి చేసి తలపై గుండెలపై తీవ్రంగా రాడ్లతో కొట్టారు. సమాచారం అందుకున్న 108సిబ్బంది క్షతగాత్రుడిని గుంటూరు ప్రభుత్వ ఆసుపత్రికి తరలించారు. ఈ మేరకు ఎడ్లపాడు పోలీస్ స్టేషన్‌లో గురువారం బరాన్‌కు సంబంధించిన కుటుంబ సభ్యులు పోలీస్ స్టేషన్ లో ఫిర్యాదు చేశారు.
ATP: తాడిపత్రి మండలంలో విషాదం చోటుచేసుకుంది. మండల పరిధిలోని అయ్యవారిపల్లి గ్రామంలో విద్యుత్ షాక్‌కు గురై వివాహిత మృతి చెందింది. శుక్రవారం తెల్లవారుజామున వంట చేయడానికి రైస్ కుక్కర్ ఆన్ చేయగా విద్యుత్ షాక్ తగిలింది. వెంటనే కుటుంబ సభ్యులు ఆమెను ఆసుపత్రికి తరలించగా మృతి చెందినట్లు నిర్ధారించారు. ఈ ఘటనపై పోలీసులు విచారణ చేపట్టారు.
ELR: దెందులూరు మండలం సింగవరం జాతీయ రహదారిపై శుక్రవారం జరిగిన రోడ్డు ప్రమాదంలో భార్యాభర్తలకు తీవ్ర గాయాలయ్యాయి. భీమడోలు మండలం గుండుగొలను గ్రామానికి చెందిన మంతెన రామరాజు దంపతులు బైక్‌పై భీమడోలు వెళ్తుండగా సింగవరం కూడలిలో తాడేపల్లిగూడెం వైపు నుంచి వస్తున్న కారు వెనుక నుంచి ఢీకొంది. ఈ ప్రమాదంలో ఇద్దరికీ తీవ్రగాయాలు కాగా.. ఏలూరు ఆసుపత్రికి తరలించారు.
ELR: జంగారెడ్డిగూడెం మండలం పుట్లగట్ల గూడెంలో నీలాలమ్మ గుడి వద్ద ఇవాళ ఉదయం రోడ్డు ప్రమాదం జరిగింది. ద్విచక్ర వాహనంపై వస్తున్న వ్యక్తి మరొక వాహనాన్ని తప్పించబోయి ఎదురుగా వస్తున్న కారును ఢీకొట్టారు. ఈ ప్రమాదంలో అతడి కాలు విరిగినట్లు స్థానికులు తెలిపారు. స్థానికులు అతడిని అంబులెన్స్‌లో ఆసుపత్రికి తరలించారు. ప్రమాదంలో గాయపడిన వ్యక్తి వివరాలు తెలియాల్సి ఉంది.
AP: రాష్ట్ర ప్రభుత్వం రేషన్ బియ్యం అక్రమాలపై ఉక్కుపాదం మోపుతుంది. బియ్యం అక్రమాలపై ఇప్పటికే సీఐడీ విచారణకు ఆదేశించింది. రాష్ట్ర వ్యాప్తంగా సీఐడీ అధికారులు 1,066 కేసులు నమోదు చేశారు. 729 మంది అక్రమ రవాణాదారులను అదుపులోకి తీసుకున్నారు. వైసీపీ ఎంపీ విజయసాయిరెడ్డి సహా పలువురికి లుకౌట్ నోటీసులు జారీ చేశారు. అయితే, లుకౌట్ నోటీసులు ఇవ్వడంపై విజయసాయి ఆగ్రహం వ్యక్తం చేశారు. విజయసాయి వ్యాఖ్యలకు మంత్రి నా...
CTR: జిల్లాలో శుక్రవారం తెల్లవారుజామున హత్య జరిగింది. పులిచెర్ల పంచాయతీ సురేంద్ర నగర్ కాలనీకి చెందిన ధనుష్ మద్యం మత్తులో తండ్రి గోపాల్‌తో గొడవపడ్డాడు. ఈక్రమంలో ధనుష్ బండరాయితో తండ్రిని కొట్టడంతో.. తీవ్రంగా గాయపడిన తండ్రి అక్కడికక్కడే మృతిచెందాడు. సమాచారం అందుకున్న కల్లూరు ఎస్సై వెంకటేశ్వర్లు ఘటనా స్థలానికి చేరుకున్నారు. ఈ మేరకు ధనుష్‌ను అదుపులోకి తీసుకున్నారు.
కృష్ణా: గుడివాడ కేటీఆర్ కాలేజీ సమీపంలోని ఓ ఇంటిలో వ్యభిచారం నిర్వాహిస్తున్నవారిని టూ టౌన్ పోలీసులు గత రాత్రి అరెస్ట్ చేసారు. పోలీసులకు అందిన సమాచారం మేరకు నివాస గృహంపై దాడి చేసి వ్యభిచార వృత్తి నిర్వాహకుడుతో పాటు అతని ముగ్గురు అనుచరులు, ఇద్దరు మహిళలను పోలీసులు అదుపులోకి తీసుకున్నారు. వీరిని స్టేషనుకు తరలించి కేసు నమోదు చేసి దర్యాప్తు చేస్తున్నారు.
GNTR: ANUలో గెస్ట్ ఫ్యాకల్టీగా పనిచేస్తున్న పృథ్వీరాజ్ అరెస్ట్ అయ్యాడు. పోలీసుల కథనం.. పెదకాకాణిలోని నంబూరు విజయభాస్కర్ నగర్‌కు చెందిన యువతి ANUలో ఇంజినీరింగ్ చదువుతోంది. పృథ్వీ ఆ యువతికి ప్రేమ పేరుతో దగ్గరయ్యాడు. పెళ్లి చేసుకోమని కోరగా నిరాకరించడంతో.. యువతి పోలీసులను ఆశ్రయించింది. ఆతనికి నగదు, లాప్ట్యాప్ ఇచ్చినట్లు పేర్కొంది.
