Greater Noida: గ్రేటర్ నోయిడాలో రూ.5 కోట్ల విలువైన బంగారం చోరీకి గురైన ఉదంతం వెలుగులోకి వచ్చింది. ఆభరణాల యజమాని ఢిల్లీ నుంచి నగలు తీసుకెళ్తుండగా ఆకలేయడంతో భోజనం కోసం ఓ దాబా దగ్గర ఆగాడు. ఎక్స్‌ప్రెస్‌వేపై ఆగి భోజనం తినడం ప్రారంభించగానే వెనకే వెంబడించిన దొంగలు అతడి కారును అపహరించి వెళ్లిపోయారు. దాదాపు 45 కిలోమీటర్లు ముందుకు వెళ్లగానే కారును వదిలిపెట్టి బంగారు ఆభరణాలతో ఉన్న బ్యాగును ఎత్తుకెళ్లారు. వ్యాపారి తెలిపిన వివరాల ప్రకారం బ్యాగులో సుమారు రూ.5 కోట్ల విలువైన బంగారు ఆభరణాలు ఉన్నాయి.
చదవండి:GST: స్మోకింగ్ ప్రియులకు షాకింగ్ న్యూస్.. పొగాకుపై 75 శాతం పన్ను?
ఈ సంఘటన యమునా ఎక్స్‌ప్రెస్‌వేలోని జేవార్ సమీపంలో జరిగింది. శనివారం అర్థరాత్రి జాన్‌పూర్‌లోని ఓ నగల దుకాణం యజమాని తన డ్రైవర్లు వివేక్, మునీష్‌లతో కలిసి చాందినీ చౌక్‌లోని నగల దుకాణంలో ఆభరణాలు కొనేందుకు వెళ్తున్నారు. తన బ్యాగులో దాదాపు రూ.5 కోట్ల విలువైన నగలు ఉన్నాయని చెప్పాడు. అతను యమునా ఎక్స్‌ప్రెస్‌వేపై భోజనం చేయడానికి శివ ధావా వద్ద ఆగిపోయాడు. తన బ్యాగ్‌ని కారులోనే వదిలేశాడు. నగల దుకాణం యజమాని రాత్రి భోజనం చేసి తిరిగి వచ్చే సరికి పార్కింగ్ స్థలంలో అతని కారు కనిపించలేదు.
చదవండి:Supreme Court: సుప్రీం కోర్టులో అంబేద్కర్ విగ్రహం ఆవిష్కరణ
ప్రస్తుతం బ్యాగ్‌లో ఏ వస్తువులు ఉన్నాయో నగల దుకాణం యజమాని ఎలాంటి సమాచారం ఇవ్వలేదు. అయితే, పోలీసులు విచారించగా అతని ఇన్నోవా వాహనం శివ దాబాకు 44 కిలోమీటర్ల దూరంలో అలీగఢ్ జిల్లా వైపు ఉన్నట్లు గుర్తించారు. కారును తనిఖీ చేయగా అందులో బ్యాగ్‌ లేదు. దొంగలు కారును అక్కడే వదిలేసి బ్యాగును అపహరించారు. ఈ మొత్తం ఘటన అనుమానాస్పదంగా ఉందని, ఇందులో ఎవరో పరిచయస్తుల ప్రమేయం ఉన్నట్లు అనుమానాలున్నాయని పోలీసులు తెలిపారు. ఈ ఘటనపై బాధితులు జేవార్ పోలీస్ స్టేషన్‌లో ఫిర్యాదు చేశారు. మొత్తం ఘటనకు సంబంధించిన ప్రతి కోణాన్ని పరిశీలిస్తున్నామని, క్షుణ్ణంగా దర్యాప్తు చేస్తున్నామని జేవార్ పోలీస్ స్టేషన్ తెలిపింది. ఈ మొత్తం కేసును విచారించేందుకు పోలీసులు బృందాన్ని ఏర్పాటు చేశారు.
