ప్రశ్నాపత్రాల లీక్ అనంతరం తిరిగి గ్రూప్ 1 ప్రిలిమ్స్ (Prelims Exam) పరీక్ష నిర్వహణకు శరవేగంగా ఏర్పాట్లు జరుగుతుంటే.. అభ్యర్థులు న్యాయస్థానాన్ని ఆశ్రయించారు. పరీక్షను వాయిదా (Postpone) వేయాలని చేయగా.. వారికి తెలంగాణ హైకోర్టు (Telangana Highcourt) షాకిచ్చింది. పరీక్షపై స్టే (Stay) విధించేందుకు ధర్మాసనం నిరాకరించింది. దీంతో అభ్యర్థులు ఖంగు తిన్నారు.
చదవండి: కేంద్ర ప్రభుత్వంలో కదలిక.. తొలిసారి తెలంగాణ అవతరణ ఉత్సవాలు
జూన్ 11వ తేదీన టీఎస్ పీఎస్సీ (TSPSC) గ్రూప్ 1 ప్రిలిమ్స్ పరీక్ష నిర్వహించనుంది. ఆ పరీక్ష వాయిదా వేసేలా ఆదేశాలు (Orders) జారీ చేయాలంటూ తెలంగాణ హైకోర్టులో 36 మంది అభ్యర్థులు (Aspirants) పిటిషన్ దాఖలు చేశారు. వివిధ నియామక పరీక్షల మధ్య వ్యవధి (Gap) ఉండాలనే నిబంధన పాటించడం లేదని అభ్యర్థులు వాదిస్తున్నారు. ఈ పిటిషన్ ను పరిశీలించిన హైకోర్టు న్యాయమూర్తి జస్టిస్ పుల్లా కార్తీక్ (Justice Pulla Karthik) ఈ పిటిషన్ విషయంలో టీఎస్ పీఎస్సీ చైర్మన్, కార్యదర్శికి నోటీసులు జారీ చేశారు. అయితే పరీక్ష నిర్వహణపై మాత్రం స్టే ఇవ్వలేమని తేల్చి చెప్పింది. అనంతరం విచారణను నాలుగు వారాలకు వాయిదా వేసింది.
చదవండి: వేములవాడలో దొంగ బాబా లీలలు.. గుర్రంపై తిరుగుతూ హల్ చల్
