సాయి ధరమ్ తేజ్(Sai dharam Tej) యాక్ట్ చేసిన మిస్టికల్ థ్రిల్లర్ విరూపాక్ష(Virupaksha) ట్రైలర్(Trailer)ను మేకర్స్ మంగళవారం ఉదయం రిలీజ్ చేశారు. వీడియోలో హీరో వెళుతున్న కారుకు ఆకస్మాత్తుగా ఓ కాకి ఎదురు వచ్చి చనిపోవడం చూడవచ్చు. అంతేకాదు ఆ తర్వాత వెంటనే ఆకాశంలో అనేక కాకులు అరుపులు శబ్దాలు చేస్తున్న సీన్స్ ఉత్కంఠగా అనిపిస్తుంది. దీంతోపాటు ఓ గ్రామంలో జరుగుతున్న వరుస చావులకు తాను కారణం తెలుసుకుని తీరతానని హీరో చెప్పడం సినిమాపై మరింత ఆసక్తిని పెంచుతుంది.
అదే క్రమంలో నటుడు సునీల్(sunil) సినిమాలో భాగంగా ఎవరికైనా చావుకు ఎదురెళ్లే దమ్ముందా అని ప్రశ్నించడం అసలు ఈ మూవీలో ఏం జరుగుతోందనే ఉత్కంఠ సినీ ప్రియుల్లో మొదలైంది. మరోవైపు ఇప్పటికే విడుదలైన టైటిల్ గ్లింప్స్, టీజర్ సహా కొన్ని పాటలు సినిమా పట్ల ఆసక్తిని పెంచుతున్నాయి. ఈ నేపథ్యంలో తాజాగా వచ్చిన ట్రైలర్ థ్రిల్‌తో నిండిపోయి..అనేక ప్రశ్నలను సృష్టిస్తుందని చెప్పవచ్చు. అవన్నీ తీరాలంటే మాత్రం ఈ సినిమా చూడాల్సిందే.
చదవండి: USAలో 2 మిలియన్ క్లబ్ లో చేరిన నాని దసరా మూవీ
ఈ చిత్రంలో సాయి ధరమ్ తేజ్, సంయుక్త మీనన్(Samyuktha Menon) ప్రధాన పాత్రల్లో యాక్ట్ చేశారు. ఈ చిత్రానికి కొత్త దర్శకుడు కార్తీక్ దండు(Karthik Dandu) డైరెక్షన్ చేశారు. మరోవైపు ఈ సినిమాకు ప్రముఖ రచయిత, దర్శకుడు సుకుమార్..తన సుకుమార్ రైటింగ్స్ బ్యానర్‌పై ఆయన సహ నిర్మాతగా ఈ చిత్రానికి వ్యవహరిస్తున్నారు. బీవీఎస్ఎన్ ప్రసాద్, అతని నిర్మాణ సంస్థ ఆధ్వర్యంలో ఈ మూవీని నిర్మిస్తున్నారు. ఈ చిత్రానికి కాంతారా మూవీకి సంగీతం అందించిన కన్నడ సంగీత దర్శకుడు బి అజనీష్ లోక్‌నాథ్ మ్యూజిక్ అందించారు. నవీన్ నూలి ఎడిటింగ్ అందించగా, ఉప్పెన సినిమాటోగ్రాఫర్ శామ్‌దత్ ఈ చిత్రానికి కెమెరా వర్క్ చేశారు. ఏప్రిల్ 21న విరూపాక్ష మూవీ ప్రపంచవ్యాప్తంగా థియేటర్లలో విడుదల కానుంది.
చదవండి: USAలో 2 మిలియన్ క్లబ్ లో చేరిన నాని దసరా మూవీ
