Uttarpradesh : ఉత్తరప్రదేశ్‌లోని బదౌన్ జిల్లాలో ఘోర ప్రమాదం జరిగింది. సోమవారం మధ్యాహ్నం ఇస్లాంనగర్ పోలీస్ స్టేషన్ పరిధిలోని పట్టణంలోని బాణాసంచా గోదాములో పేలుడు సంభవించడంతో రెండంతస్తుల ఇల్లు కుప్పకూలింది. ఘటన సమయంలో ఇంట్లో భర్త, భార్య, ఇద్దరు పిల్లలు సహా ఐదుగురు ఉన్నారు. వారంతా శిథిలాల కింద కూరుకుపోయారు. సమాచారం అందుకున్న పోలీసులు రెస్క్యూ టీమ్ సహాయంతో అక్కడికి చేరుకుని శిథిలాల నుంచి భర్త, బిడ్డను సురక్షితంగా బయటకు తీయగా, భార్య, చిన్నారి సహా ముగ్గురు వ్యక్తులు ఇంకా శిధిలాలలో చిక్కుకుపోయారు. వారిని రక్షించేందుకు శరవేగంగా సహాయక చర్యలు చేపడుతున్నారు.
చదవండి:Medicines: టీ, కాఫీలతో మందులు తీసుకోవడం వల్ల కలిగే ప్రమాదాలు
ఇస్లాంనగర్ పోలీస్ స్టేషన్ పరిధిలోని మొహాలీ పట్టణంలో ఈ ప్రమాదం జరిగింది. పట్టణానికి చెందిన అక్తర్ తన ఇంటి మొదటి అంతస్తులో పటాకుల గోదాం నిర్మించగా, కుటుంబం రెండో అంతస్తులో నివసిస్తోంది. సోమవారం మధ్యాహ్నం పటాకుల గోదాములో ఒక్కసారిగా పేలుడు సంభవించింది. పేలుడు ఎంత శక్తివంతమైనది అంటే అక్తర్ రెండంతస్తుల ఇల్లు ఉన్న ఫళంగా కూలిపోయింది. సంఘటన సమయంలో అక్తర్ తన భార్య, ఇద్దరు పిల్లలు, మరొక వ్యక్తితో ఇంట్లో ఉన్నారు. దీంతో అందరూ ఇంటి శిథిలాల కింద సమాధి అయ్యారు.
చదవండి:Turmeric: పసుపుతో బరువు తగ్గుతారా..? దీనిని ఎలా వినియోగించాలో తెలుసా?
పేలుడు శబ్ధం విన్న చుట్టుపక్కల వారు ఒక్కసారిగా షాక్‌కు గురయ్యారు. ప్రమాదం జరిగిన వెంటనే ప్రజలు పోలీస్ స్టేషన్‌కు సమాచారం అందించారు. సమాచారం అందుకున్న పోలీసులు అక్కడికి చేరుకుని అగ్నిమాపక సిబ్బంది, రెస్క్యూ టీమ్‌ను పిలిపించారు. సంఘటనా స్థలంలో రెస్క్యూ ప్రారంభించి అక్తర్, అతని పిల్లలలో ఒకరిని సురక్షితంగా బయటకు తీశారు. అతని భార్య , ఒక బిడ్డతో సహా ముగ్గురు వ్యక్తులు ఇప్పటికీ శిథిలాల కింద చిక్కుకున్నారు. వారిని రక్షించేందుకు రెస్క్యూ టీమ్ ప్రయత్నిస్తోంది.
