మరో రెండు రోజుల్లో అమర్నాథ్ యాత్ర(Amarnath Yatra) ప్రారంభం కానుంది. జులై 1 నుంచి ఈ యాత్ర మొదలవుతుందని ప్రభుత్వం అధికారికంగా ప్రకటించిన సంగతి తెలిసిందే. యాత్రకు సంబంధించి ఏర్పాట్లన్నీ పూర్తయ్యాయి. ఈ నేపథ్యంలో అమర్నాథ్ యాత్ర, భద్రతపై జమ్మూకశ్మీర్ లెఫ్టినెంట్ గవర్నర్ మనోజ్ సిన్హా అధికారులతో సమీక్షించారు. యాత్రికులకు ఎలాంటి సౌకర్యం కలగకుండా చూసుకోవాలని ఆదేశించారు.
చదవండి: TTD: తిరుమలకు వెళ్లేవారికి అలర్ట్..కీలక సూచనలు చేసిన టీటీడీ
మరోవైపు అమర్నాథ్ యాత్ర(Amarnath Yatra) భద్రత విషయంలో కేంద్ర ప్రభుత్వం(Central Government) కూడా కీలక నిర్ణయాలు తీసుకున్నట్లు తెలిపింది. గతంలో ఈ యాత్రకు సెంట్రల్ రిజర్వ్ పోలీసు ఫోర్స్(CRPF) భద్రత కల్పించేది. అయితే ఇప్పుడు ఈ యాత్రకు ఇండో టిబెటన్ బోర్డర్ పోలీస్ (ITBP) సిబ్బంది భద్రత కల్పించనుంది.
చదవండి: Vastu rules: ఇంట్లో బుద్ధుడి బొమ్మ ఉందా..? ఈ వాస్తు నియమాలు పాటించాల్సిందే..
జులై 1 నుంచి ప్రారంభం అయ్యే ఈ యాత్ర(Amarnath Yatra) ఆగస్టు 31వ తేది వరకూ కొనసాగనుంది. మొత్తంగా 62 రోజుల పాటు ఈ యాత్ర సాగనుంది. గత ఏడాది ఈ యాత్ర సాగుతుండగా భీకర గాలులు వ్యాపించాయి. అంతేకాకుండా మెరుపు వేగంతో వరదలు వచ్చాయి. ఆ సమయంలో ఐటీబీపీ జవాన్లు ఎంతో సమర్థవంతంగా యాత్రికులను కాపాడారు. అందుకే ఈసారి యాత్రికుల పూర్తి భద్రతా బాధ్యతను వారికే అప్పటించినట్లు కేంద్రం వెల్లడించింది.
