ఎన్నికలు దగ్గరపడుతున్న నేపథ్యంలో చంద్రబాబు పలు జిల్లాలో పర్యటిస్తున్న సంగతి తెలిసిందే. రాష్ట్రానికి ఇదేం ఖ‌ర్మ‌రా బాబూ పేరిట ఆయన ఈ కార్యక్రమం చేపడుతున్నారు. ప్ర‌స్తుతం చంద్రబాబు నాయుడు తూర్పుగోదావ‌రి జిల్లాలో పలు ప్రాంతాల్లో ప‌ర్య‌టిస్తున్నారు. స‌భ‌లు, స‌మావేశాలు నిర్వ‌హిస్తున్నారు.
ఒకానొక స‌భ‌లో ఓ కార్యకర్త చంద్రబాబు నాయుడిని ఇర‌కాటంలో ప‌డేశాడు. త‌న మ‌న‌సులో మాట‌ను బ‌య‌ట‌పెట్టాడు.పార్టీ అధ్య‌క్షుల వారిని నాదొక విన్నపం అంటూ ఆ కార్యకర్త మొదలు పెట్టాడు. త‌న‌దే కాదు పార్టీ కార్య‌క‌ర్త‌లంద‌రి ఆశ, కోరిక అదే అంటూ ప్రారంభించాడు. ఆంధ్ర‌ప్ర‌దేశ్ రాష్ట్రంలో ఇల్లు క‌ట్టుకోవాలని, ఏపీలోనే మీకు కుటుంబంతో స‌హా నివాసం ఉండాల‌ని చంద్రబాబు నాయుడిని డిమాండ్ చేశాడు. కార్యకర్త చేసిన డిమాండ్ విన‌డంతో అక్క‌డి వారంద‌రూ ఒక్క‌సారిగా సైలెంటుగా మారిపోయారు.
చంద్రబాబు నాయుడు కుటుంబంతో స‌హా ఇక్కడే ప్ర‌స్తుతం హైద‌రాబాద్ న‌గ‌రంలోనే నివాసం ఉంటున్నారు. కార్య‌క్ర‌మాలు ఉన్న స‌మ‌యంలో ఏపీలో ప‌ర్య‌టించ‌డం త‌ర్వాత నేరుగా హైద‌రాబాద్ రావ‌డం చేస్తున్నారు. దీంతో టీడీపీ కార్య‌క‌ర్త‌లు చాలా మందిలో అసంతృప్తి నెల‌కొని ఉంది. అధినేత త‌మ‌కు మ‌రింత అందుబాటులో ఉంటే పలు స‌మ‌స్య‌ల‌పై చ‌ర్చించే అవ‌కాశం ఉంటుంద‌ని భావిస్తున్నారు. ఇటువంటి నేపథ్యంలో ఓ కార్యకర్త నేరుగా చంద్రబాబు కూర్చున్న వేదిక‌పైనే నేరుగా ఈ విష‌యం ప్ర‌స్తావించ‌డం ప్ర‌స్తుతం చ‌ర్చ‌నీయాంశంగా మారింది.andhra pradehs
