కలియుగ ప్రత్యేక్ష దైవం తిరుమల శ్రీవారి భక్తులకు గుడ్ న్యూస్ చెప్పింది. ప్రపంచంలో ఉన్న భక్తులందరికీ అందుబాటులోకి టీటీడీ యాప్ అందులోకి తెచ్చింది. శ్రీవారి ఆలయానికి సంబంధించిన మొబైల్ యాప్ ను టీటీడీ చైర్మన్ వైవీ సుబ్బారెడ్డి, ఆలయ ఈవో ధర్మారెడ్డిలు ప్రారంభించారు. టీటీడీ సేవలు, మొత్తం సమాచారం అంతా ఒక చోట ఉండే విధంగా జియో సహకారంతో ఈ కొత్త యాప్ ను రుపొంచినట్లు తెలిపారు. ఈ యాప్ ద్వారా వర్చువల్ సేవలను భక్తులు వీక్షించవచ్చని సూచించారు.
తిరుమల శ్రీవారికి విరాళాలు కూడా అందజేయవచ్చని చైర్మెన్ తెలిపారు. ఈ యాప్ ను ఉపయోగించి భక్తులు ఇక నుంచి శ్రీవారి దర్శన టికెట్లు, సేవలు, వసతి గృహాలను బుక్ చేసుకోవచ్చు. అదే విధంగా తిరుమలకు సంబంధించి సమాచారమంతా తెలుసుకోవచ్చు. గతంలో టీటీడీకి ఉన్న గోవింద యాప్ లో ఉన్న సమస్యలు ఎదురవడంతో.. దీని ప్లేస్ లో ఈ సరికొత్త యాప్ ని టీటీడీ తీసుకొచ్చింది. ఈ కొత్త యాప్ ని ఉపయోగించి చాలా ఈజీగా స్వామివారి దర్శనం, గదులు, సేవా టికెట్లను బుక్ చేసుకోవచ్చునని తెలిపింది.
