విద్యార్థులకు విద్యాబుద్దులు నేర్పాల్సిన టీచర్లు ఇన్‌స్టా రీల్స్‌కు అలవాటు పడ్డారు. పాఠాలు చెప్పడం మానేసి తరగతి గదిలోనే రీల్స్ చేయడం మొదలు పెట్టారు. ఇన్‌స్టాగ్రామ్ ద్వారా సెలబ్రిటీలు అయ్యేందుకు ప్రయత్నించే క్రమంలో విద్యార్థులను బెదిరించడం మొదలుపెట్టారు. తాము చేసిన రీల్స్‌ను లైక్ చేయాలని, తమ ఇన్‌స్టా ఖాతాలను సబ్‌స్క్రైబ్ చేయాలని స్టూడెంట్స్‌పై తీవ్ర ఒత్తిడి తెచ్చారు. ఈ దారుణ ఘటన ఉత్తరప్రదేశ్ లోని అమ్రోహ జిల్లాలో చోటుచేసుకుంది.
చదవండి: Vande Bharat trains: 14 నిమిషాల్లోనే శుభ్రం..సరికొత్త విధానం!
జిల్లాలోని ఓ ప్రైమరీ స్కూల్‌లో టీచర్లందరూ మహిళలే ఉన్నారు. అంబికా గోయల్, పూనమ్ సింగ్, నీతూ కశ్యప్ అనే ముగ్గురు మహిళా టీచర్లు గత కొన్ని రోజులుగా స్కూల్లోనే ఇన్‌స్టా రీల్స్ చేయడం మొదలు పెట్టారు. కొన్ని రోజులుగా వారు ఆ పనిలోనే ఉంటున్నారు. తాము చేసిన వీడియోలను లైక్ చేయాలని టీచర్లు విద్యార్థులను బలవంతం చేస్తున్నారు. అంతేకాకుండా వారి ఇన్‌స్టా ఖాతాను సబ్‌స్క్రైబ్ చేయాలని ఒత్తిడి చేయడంతో విద్యార్థులు తీవ్ర ఇబ్బందులు పడుతున్నారు.
చదవండి: Mother చేతిలో చిన్నారి.. రోడ్డుపై ఆపిన అంబులెన్స్, ఎందుకంటే..?
టీచర్ల వేధింపులు తట్టుకోలేక తమ తల్లిదండ్రులకు విషయాన్ని చెప్పారు. దీంతో తల్లిదండ్రులంతా కలిసి బ్లాక్ ఎడ్యుకేషన్ ఆఫీసర్ గంగేశ్వరి ఆర్తి గుప్తాకు ఫిర్యాదు చేయగా విషయం వెలుగులోకి వచ్చింది. దర్యాప్తు తర్వాత విచారణ చేసి వారిపై తగిన చర్యలు తీసుకుంటామని ఆమె తెలిపారు.
