GA2 Pictures Production No.8 Titled As Kota Bommali P.S
GA2 Pictures: పాపులర్ గీతా ఆర్ట్స్‌కి చెందిన మరో బ్యానర్ GA 2 పిక్చర్స్క్‌కి (GA2 Pictures) మంచి క్రేజ్ ఉంది. ఈ బ్యానర్ నుంచి గతంలో భలే భలే మగాడివోయ్, గీతా గోవిందం, టాక్సీవాలా, ప్రతిరోజు పండగే, మోస్ట్ ఎలిజిబుల్ బ్యాచిలర్ వంటి బ్లాక్‌బస్టర్స్ వచ్చాయి. ఇప్పుడు ఈ ప్రొడక్షన్ హౌస్ నుంచి మరో క్రేజీ మూవీ వస్తోంది.
మళయాళంలో విడుదలై సూపర్ హిట్ అయిన నాయట్టు మూవీని తెలుగులో విడుదల చేయడానికి సన్నాహాలు చేస్తున్నారు. ఈ చిత్రానికి సంబంధించిన పవర్‌ఫుల్ టైటిల్‌తోపాటు ఫస్ట్ లుక్ మోషన్ పోస్టర్‌ను మేకర్స్ ప్రకటించారు. చిత్రం కోసం కోట బొమ్మాళి పి.ఎస్ (kota bommali ps) అనే శక్తివంతమైన, ఆసక్తిని రేకెత్తించే టైటిల్‌ని లాక్ చేశారు. శ్రీకాంత్, రాహుల్ విజయ్, శివానీ రాజశేఖర్ కీలక పాత్రల్లో నటిస్తున్నారు.
చదవండి: Deepfake Scamతో భద్రం..కాల్స్ లిఫ్ట్ చేశారో ఇక అంతే సంగతులు
ఆ మోషన్ పోస్టర్ ప్రకారం, ఈ ముగ్గురు పోలీసు అధికారులు (police officers) అనే విషయం అర్థమౌతోంది. ఈ ముగ్గురు అధికారులు కొందరు అవినితీ చట్రంలో ఇరుక్కుపోయినప్పుడు, ఎలాంటి పరిస్థితులు ఎదుర్కొంటారు అనే నేపథ్యంలో ఈ కథ సాగుతుంది. మోషన్ పోస్టర్ చూపించిన విధానం చాలా బాగుంది. ఈ ముగ్గురు ప్రధాన పాత్రలను మూడు సింహాలుగా పోల్చారు. మూడు సింహాలను సంకెళ్లతో చుట్టేసినట్లు, అగ్నిలో ఆ ముగ్గురు అధికారులు చిక్కుకున్నట్టుగా ఆసక్తికరంగా ఉంది.
రాజకీయాలు (politics), పోలీసు (police) బలగాలకు సంబంధించిన తుపాకులు, బ్యాలెట్ పేపర్లు, కరపత్రాలు, మరెన్నో అంశాలు మోషన్ పోస్టర్ లో కనిపిస్తుండటం విశేషం. నేపథ్య సంగీతం మరింత హైప్ తీసుకువచ్చింది. ఈ చిత్రంలో నటుడు శ్రీకాంత్ ప్రధాన పాత్రలో నటిస్తున్నారు. వరలక్ష్మి శరత్‌కుమార్‌ ప్రత్యేక పాత్ర చేస్తున్నారు. రాహుల్ విజయ్, శివాని రాజశేఖర్ సహా ఇతరలు నటిస్తున్నారు.
