Palestinian Refugees : పాలస్తీనా శరణార్థుల కోసం ఐక్యరాజ్యసమతి ఏజెన్సీకి భారతదేశం మొదటి విడత 2.5 మిలియన్ డాలర్లను విడుదల చేసింది. భారత ప్రభుత్వం 2024-25 సంవత్సరానికి 5 మిలియన్ డాలర్లను వార్షిక సహకారంలో భాగంగా యునైటెడ్ నేషన్స్ రిలీఫ్ అండ్ వర్క్స్ ఏజెన్సీ ఫర్ పాలస్తీనా రెఫ్యూజీస్ (UNRWA)కి 2.5 మిలియన్ డాలర్లను మొదటి విడతను విడుదల చేసింది. 1950 నుండి నమోదిత పాలస్తీనా శరణార్థుల కోసం UNRWA ప్రత్యక్ష సహాయాన్ని, పలు కార్యక్రమాలను నిర్వహిస్తున్నట్లు భారతదేశం సోమవారం తెలిపింది. గాజాలో ఇజ్రాయెల్-హమాస్ యుద్ధం మధ్య ఇజ్రాయెల్ తన పనితీరును కొనసాగించడానికి ప్రయత్నిస్తోంది.
పాలస్తీనా శరణార్థులకు ఉపశమనం
పాలస్తీనా శరణార్థుల కోసం ఐక్యరాజ్యసమితి రిలీఫ్ అండ్ వర్క్స్ ఏజెన్సీకి (UNRWA) భారత ప్రభుత్వం మొదటి విడత 2.5 మిలియన్ డాలర్లను విడుదల చేసిందని రమల్లాలోని భారత ప్రతినిధి కార్యాలయం శుక్రవారం తన ప్రకటనలో తెలిపింది. 2024-25 సంవత్సరానికి భారతదేశం 5 మిలియన్ అమెరికా డాలర్లు విరాళంగా ఇస్తుంది.
35 మిలియన్ డాలర్ల ఆర్థిక సహాయం
గత కొన్ని సంవత్సరాలుగా పాలస్తీనా శరణార్థులకు, వారి సంక్షేమానికి భారతదేశం 2023-24 నాటికి విద్య, ఆరోగ్య సంరక్షణ, సామాజిక సేవలతో సహా ఐక్యరాజ్య సమితి ఏజెన్సీ ప్రధాన కార్యక్రమాలు, సేవల కోసం 35 మిలియన్ డాలర్ల ఆర్థిక సహాయాన్ని . పాలస్తీనా శరణార్థులకు అందించింది.
స్వచ్ఛంద విరాళాల ద్వారా నిధులు
ఇటీవల న్యూయార్క్‌లో జరిగిన యుఎన్‌ఆర్‌డబ్ల్యుఎ సదస్సులో, ఏజెన్సీ నిర్దిష్ట అభ్యర్థన మేరకు యుఎన్‌ఆర్‌డబ్ల్యుఎకు ఆర్థిక సహాయంతో పాటు ఔషధాలను అందజేస్తామని భారత్ ప్రకటించింది. నిరంతరంగా మానవతా సహాయం అందించాలని భారతదేశం తన పిలుపుని పునరుద్ఘాటించింది. UNRWA దాదాపు పూర్తిగా యూఎన్ సభ్య దేశాల నుండి స్వచ్ఛంద విరాళాల ద్వారా నిధులు సమకూరుస్తుంది.
