Gangster Marriage: రాజస్థాన్‌కు చెందిన అనురాధ చౌదరి అలియాస్ మేడం మింజ్, హర్యానాకు చెందిన సందీప్ అలియాస్ కలా జథేడి గ్యాంగ్‌స్టర్లు నాలుగేళ్లుగా ప్రేమించుకుంటున్నారు. ఈ నెల 12న వివాహం వీరి వివాహం జరగనుంది. వీరిద్దరి వివాహానికి కోర్టు అనుమతి కూడా ఇచ్చింది. పెళ్లి కోసం సందీప్‌కు కేవలం ఆరు గంటల పెరోల్‌ను కోర్టు మంజూరు చేసింది. ఎంబీఏ చదివిన అనురాధ కొన్నాళ్లు బ్యాంక్‌లో ఉద్యోగం చేసింది. తర్వాత 2007లో దీపక్ మింజ్‌తో వివాహం జరిగింది. 2013లో భర్త నుంచి విడిపోయింది.
ఇది కూడా చూడండి: Hyderabadi Died: రష్యా, ఉక్రెయిన్‌ యుద్ధంలో హైదరాబాదీ మృతి
మనీలాండరింగ్ కేసులో ఇరుక్కున్న అనురాధ 2017లో రాజస్థాన్‌లోని చురులో జరిగిన ఎన్‌కౌంటర్‌లో హతమైన గ్యాంగ్స్టర్ ఆనంద్‌పాల్ సింగ్‌తో చేతులు కలిపింది. రాజస్థాన్, ఢిల్లీలో మనీలాండరింగ్, కిడ్నాప్, బెదిరింపులు, ఆయుధాల చట్టానికి సంబంధించి ఆరుపైగా కేసులు నమోదయ్యాయి. అలాగే ఆమెపై పదివేల రివార్డు కూడా ఉంది.
ఇది కూడా చూడండి: Horoscope Today: నేటి రాశిఫలాలు(2024 March 7th).. ప్రయత్న కార్యాలకు ఆటంకాలు తప్పవు
హర్యానా సోనిపట్‌లోని జాతేడి గ్రామానికి చెందిన సందీప్ ఐటీఐ చదివాడు. తర్వాత ఢిల్లీ వెళ్లిన అతను మొబైల్ చోరీకి ప్రయత్నించి దొరికిపోయాడు. ఇతనిపై కూడా దోపిడీలు, హత్యలు, హత్యయత్నం వంటి కేసులు ఉన్నాయి. ఏడు లక్షల రివార్డ్ కూడా ఉంది. మధ్యప్రదేశ్‌లోని ఇండోర్‌లో తొలిసారి వీళ్లు కలుసుకున్నారు. 2020లో వీళ్ల ప్రేమ ప్రారంభమైంది. తర్వాత వీళ్లద్దరిని పోలీసులు అరెస్ట్ చేశారు. అనురాధ బెయిల్‌పై విడుదలై ఉంది. చట్టబద్ధంగా సందీప్‌ను తరచుగా జైల్లో కలిసేది.
