Pakistan: సీనియర్ పీఎంఎల్-ఎన్ నాయకురాలు, మాజీ ప్రధాని నవాజ్ షరీఫ్ కూతురు మరియం నవాజ్ పంజాబ్ ప్రావిన్స్‌కు తొలి మహిళా ముఖ్యమంత్రిగా ఎన్నికయ్యారు. పంజాబ్ ప్రావిన్స్‌కు తొలి మహిళా సీఎంగా ఎన్నికై రికార్డు సృష్టించారు. పంజాబ్‌కు మొట్టమొదటి మహిళా ముఖ్యమంత్రిగా ఈ రోజు ప్రమాణ స్వీకారం చేశారు. తన ప్రమాణ స్వీకారం రాష్ట్రంలోని ప్రతి మహిళకూ గర్వకారణమేనని, మహిళా నాయకత్వ సంప్రదాయం ఇక ముందు కూడా కొనసాగుతుందని ఆశిస్తున్నానని మరియం తెలిపారు.
ఇది కూడా చూడండి: Dubai: భారతీయులకు దుబాయ్‌ స్పెషల్ వీసా ఆఫర్‌
పంజాబ్ అసెంబ్లీలో మెజారిటీ దక్కించుకోవడానికి 187 మంది సభ్యుల మద్దతు అవసరం. అయితే మరియం నవాజ్‌కు 220 ఓట్లు లభించాయి. ఎస్‌ఐసీకి ఇమ్రాన్ ఖాన్ పార్టీ పీటీఐ మద్దతు ఉంది. పీఎంఎల్-ఎన్‌కు చెందిన 137 మంది సభ్యులతో పాటు 20 మందికి పైగా స్వతంత్రులు ఇతర చిన్న పార్టీల మద్దతుతో మరియం ముఖ్యమంత్రిగా ఎన్నికయ్యారు. మరియం నవాజ్ తండ్రి దేశానికి మూడుసార్లు ప్రధానమంత్రిగా వ్యవహరించారు. 50 ఏళ్ల మరియం పాకిస్థాన్ ముస్లిం లీగ్-నవాజ్ సీనియర్ ఉపాధ్యక్షురాలుగా కూడా ఉన్నారు.
