na-friend-demo-pelli-music-video-song-release
Na Friend Demo Pelli:తెలంగాణ జాన‌ప‌ద గీతం ‘నా ఫ్రెండ్‌దేమో పెళ్లి’ (Na Friend Demo Pelli) నుంచి మ్యూజిక్ వీడియో సాంగ్ రిలీజ్ చేశారు. ఈ పాటలో జయతి మెయిన్ రోల్ పోషించారు. బుల్లి తెరపై వెన్నెల ప్రోగ్రామ్‌తో తిరుగులేని క్రేజ్‌, ఇమేజ్‌ను ద‌క్కించుకున్న జయతి (jayathi).. ఈ సాంగ్‌లో అద్భుత‌మైన హావ భావాల‌తో, మూమెంట్స్‌లో క‌ట్టి ప‌డేశారు.
సెన్సేష‌న‌ల్ పాటలకు సంగీతాన్ని అందిస్తోన్న మ్యూజిక్ డైరెక్ట‌ర్ భీమ్స్ సిసిరోలియో ‘నా ఫ్రెండ్‌దేమో పెళ్లి…’ సాంగ్‌కు స్వరాలు సమకూర్చారు. శ్రావణ భార్గవి (sravana bhargavi) అద్భుతంగా పాడి ఈ పాటకు ప్రాణం పోశారు. భాను మాస్టర్ సూప‌ర్‌గా కొరియోగ్ర‌ఫీ చేశారు. లిరిసిస్ట్‌ కాసర్ల శ్యామ్ మరోసారి తన పెన్ పవర్ ఎలా ఉంటుందో చూపించారు. జయతి విజ‌న్స్ స‌మ‌ర్ప‌ణ‌లో శ్రీ కోనేటి ఈ పాట‌ను డైరెక్ట్ చేశారు.
చదవండి: konidela niharika: డెడ్ పిక్సెల్స్ నాకు ఎంతో ప్రత్యేకం
తెలుగు ఒరిజిన‌ల్ మ్యూజిక్ వీడియో సాంగ్స్‌ను అందిస్తోన్న సంస్థ నివృతి వైబ్స్. అత్యుత్త‌మ‌మైన ప్రొడ‌క్ష‌న్ వ్యాల్యూస్‌తో ఆడియో, విజువ‌ల్ కంటెంట్‌ అందిస్తోంది. గ‌త రెండేళ్ల‌లో తెలుగు, హిందీ, త‌మిళ్‌, క‌న్న‌డ భాష‌ల్లో నివృతి సంస్థ 50కి పైగా మ్యూజిక్ వీడియో సాంగ్స్‌ అందించింది. వీటిలో జ‌రీ జ‌రీ పంచెక‌ట్టి, గుంగులు, సిల‌క ముక్కుదానా, జంజీరే, వ‌ద్ద‌న్నా గుండెల్లో సేరి వంటి పాటలకు ఎక్స్‌ట్రార్డిన‌రీ రెస్పాన్స్‌ వచ్చాయి.
యంగ్ టాలెంట్‌ను ఎంక‌రేజ్ చేస్తూ డిజిట‌ల్ మాధ్య‌మంలో బిలియ‌న్ వ్యూస్ ఉన్న ఫ్లాట్‌ఫామ్స్ నివృతి వైబ్స్ సొంతం. శేఖ‌ర్ మాస్టర్, సుద్దాల అశోక్ తేజ, భీమ్స్ సిసిరోలియో, షణ్ముఖ్ జశ్వంత్, మధు ప్రియ, శ్రావణ భార్గవి, దేత్తడి హారిక, లహరి షారి, మానస్, విష్ణు ప్రియ, అనన్య భట్, రాజ్యలక్ష్మి, హారిక నారాయ‌ణ్‌, సాకేత్ కొమందూరి వంటి టాలెంటెడ్ ఆర్టిస్టులు, టెక్నీషియన్స్‌తో నివృతి వైబ్స్ వ‌ర్క్ చేసింది. 2024 పూర్త‌య్యేస‌రికి 150 పైచిలుకు మ్యూజిక్ వీడియో సాంగ్స్‌ను అందించ‌టానికి స‌న్నాహాలు చేస్తున్నామని నివృతి వైబ్స్ సంస్థ తెలియ‌జేశారు.
