తెలంగాణ పోలింగ్ సమయం దగ్గరపడింది. ఎన్నికల్లో విజయం సాధించడం కోసం అన్ని ప్రధాన పార్టీలు ప్రచారాస్త్రాలను సంధిస్తున్నాయి. అగ్రనేతలంతా సుడిగాలి పర్యటనలు చేస్తున్నారు. ఈ నేపథ్యంలో బీజేపీ జెండా సకల జనులకు అండ అనే నినాదంతో బీజేపీ నేతలు ప్రచారం సాగిస్తున్నారు. తెలంగాణలో డబుల్ ఇంజిన్ సర్కార్ సాధ్యం అంటూ పలు సభలు, రోడ్ షోలను నిర్వహిస్తున్నాయి. ఈ తరుణంలో తాజాగా నేడు దుబ్బాక, నిర్మల్ సభల్లో ప్రధాని మోదీ పాల్గొననున్నారు.
చదవండి: Ramgopal varma: పవన్ కంటే బర్రెలక్క ఎంతో బెటర్: ఆర్జీవీ
బీసీ నినాదంతో జాతీయ నేతలంతా తెలంగాణలో ప్రచారం నిర్వహిస్తున్నారు. ఈ క్రమంలోనే ప్రధాని మోదీ 3 రోజుల పాటు తెలంగాణలో పర్యటిస్తున్న సంగతి తెలిసిందే. అందులో భాగంగా శనివారం కామారెడ్డి, తుక్కుగూడ బహిరంగ సభల్లో ప్రధాని మోదీ పాల్గొని ప్రసంగించారు. నేడు దుబ్బాక, నిర్మల్ లో ప్రధాని మోదీ పాల్గొని ప్రజలనుద్దేశించి మాట్లాడనున్నారు. ఆదివారం ఉదయం 11:30 గంటల నుంచి మధ్యాహ్నం 12:45 వరకు హైదరాబాద్‌ శివారులోని కన్హా శాంతివనంలో మోదీ పాల్గొంటారు.
చదవండి: Pawan Kalyan: బీసీ అభ్యర్థిని సీఎంగా ప్రకటించినందుకే బీజేపీకి మద్దతు
మధ్యాహ్నం 2 గంటలకు దుబ్బాక (Dubbaka)కు చేరుకుని 2:15 గంటల నుంచి 2:45 వరకు సభలో ప్రసంగించనున్నారు. నిర్మల్ (Nirmal)లో మధ్యాహ్నం 3:45 నుంచి సాయంత్రం 4:25 వరకు బహిరంగ సభలో ప్రధాని పాల్గొననున్నారు. సాయంత్రం 5:45 గంటలకు తిరుపతికి వెళ్లనున్నారు. సోమవారం ఉదయం తిరుమల (Tirumala) శ్రీవారిని ప్రధాని మోదీ (Pm Modi) దర్శించుకోనున్నారు.
