MDK: భక్తుల కొంగుబంగారమైన కొమురవెల్లి మల్లికార్జునస్వామి కళ్యాణం అత్యంత వైభవంగా జరిగింది. ఏటా మార్గశిరం చివరి ఆదివారం స్వామివారి కల్యాణం నిర్వహించడం ఆనవాయితీగా వస్తోంది. ఇందులో భాగంగా మల్లికార్జునుడు, బలిజ మేడలమ్మ, కేతమ్మల వివాహ మహోత్సవం వైభవంగా నిర్వహించారు. కాశీలోని జంగంవాడి మఠం అధిపతి మల్లికార్జున శివాచార్య వేద పర్యవేక్షణలో ఈ కార్యక్రమం జరిగింది.
