KMR: సదాశివనగర్ మండలంలోని అడ్లూరు ఎల్లారెడ్డి పెద్ద చెరువు అలుగుపై నుంచి వరద నీరు ప్రవహిస్తుంది. బుధవారం రాత్రి తాడ్వాయి మండలంలోని సంగోజీవాడి, కాళోజివాడి, బ్రాహ్మణపల్లి ప్రాంతాల్లో వర్షం అధికంగా కురవడంతో చెరువులోకి వరద నీరు వచ్చి చేరుతుంది. చెరువులో నీరు పూర్తిస్థాయిలో నిండడంతో అలుగు ద్వారా నీరు బయటకు వెళుతుందని నీటిపారుదల శాఖ అధికారులు తెలిపారు.
